மதுரை திருநகர் மந்தித்தோப்பு பகுதியைச் சேர்ந்தவர் சண்முகசுந்தரம்(55). இவர் அப்பகுதியில் ஹெர்பல் சோப்பு மற்றும் ஆயில் தயாரிப்பு நிறுவனம் நடத்திவருகிறார். இவருடைய மனைவி ஜான்சிராணி. இவர்களுக்கு சூர்யா, நந்து என இரண்டு மகள்கள் உள்ளனர்.
சண்முகசுந்தரம் நேற்று காலை வழக்கம்போல் தனது கடைக்கு சென்றவர், இரவு வீடு திரும்பவில்லை. இதனால், அவரைத் தேடி அவரது சகோதரர்கள் கடைக்குச் சென்றனர்.
கடையின் கதவு உள்புறமாக பூட்டியிருந்ததைக் கண்ட சகோதரர்கள், கதவை உடைத்து உள்ளே சென்ற அவர்கள், சண்முகம்சுந்தரம் உடலில் காயங்களுடன் இறந்து கிடந்ததைக் கண்டு அதிர்ச்சியடைந்தனர்.
இது குறித்து தகவலறிந்து சம்பவ இடத்திற்கு விரைந்து வந்த திருநகர் காவல் துறையினர். அங்கு சோதனை செய்தபோது, கடிதம் ஒன்று சிக்கியுள்ளது. அந்தக் கடிதத்தில் ‘எனது சாவுக்கு யாரும் காரணம் இல்லை, உடல்நிலை குறைபாடுதான் காரணம்’ என எழுதியிருந்தது.
பின்னர், அவரது உடலை உடற்கூறாய்வுக்காக மதுரை அரசு ராசாசி மருத்துவமனைக்கு அனுப்பிவைத்தனர். மேலும், சண்முகசுந்தரம் தற்கொலை செய்து கொண்டாரா அல்லது யாரேனும் அவரை கொலை செய்துள்ளார்களா என்பது குறித்து காவல் துறையினர் தீவிர விசாரணை நடத்திவருகின்றனர்.
இதையும் படிங்க: யுபிஎஸ்சியில் தோல்வி - மெட்ரோ ரயில் முன் குதித்து தற்கொலைக்கு முயன்ற இளைஞர்
