சென்னை: ’குட் பேட் அக்லி’ திரைப்படத்தின் டப்பிங் முடிவடைந்ததாக ஆதிக் ரவிச்சந்திரன் எக்ஸ் தளத்தில் பதிவிட்டுள்ளார். மைத்ரி மூவி மேக்கர்ஸ் தயாரிப்பில் ஆதிக் ரவிச்சந்திரன் இயக்கத்தில் அஜித் குமார் கதாநாயகனாக நடித்து வரும் திரைப்படம் 'குட் பேட் அக்லி'. இப்படத்தில் த்ரிஷா, பிரசன்னா, அர்ஜூன் தாஸ் உள்ளிட்ட பலர் நடித்து வருகின்றனர். இப்படத்தில் அர்ஜூன் தாஸ் வில்லன் கதாபாத்திரத்தில் நடித்துள்ளதாக தெரிகிறது. அஜித்தின் தீவிர ரசிகரான ஆதிக் ரவிச்சந்திரன் இயக்கி வரும் 'குட் பேட் அக்லி' திரைப்படத்தில் தற்போது அஜித் நடித்துள்ளார்.
'குட் பேட் அக்லி' படத்தில் அஜித் வித்தியாசமான சால்ட் அண்ட் பெப்பர் லுக்கில் நடித்துள்ளார். படப்பிடிப்பு தொடங்கியது முதல் அஜித்தின் பல கெட்டப்கள் வெளியாகி ரசிகர்கள் மத்தியில் பெரும் எதிர்பார்ப்பை ஏற்படுத்தியது. இந்நிலையில் ஆதிக் ரவிச்சந்திரன் குட் பேட் அக்லி படத்தில் அஜித்துடன் டப்பிங் பணிகளில் பணிபுரிந்தது குறித்து நெகிழ்ச்சியுடன் பதிவிட்டுள்ளார்.
Every year, I wait to hear Sir’s voice in the theatre. Now God, Universe & Sir were very kind enough to let me hear you Dub & Work with you sir. This Year started and completed with a beautiful journey ‘Good Bad Ugly’, Will treasure these memories Forever. Always grateful for u… pic.twitter.com/E4DsXds3Kd
— Adhik Ravichandran (@Adhikravi) December 29, 2024
அவரது பதிவில், “ஒவ்வொரு வருடமும் உங்களது குரலை தியேட்டரில் கேட்க காத்திருப்பேன். தற்போது கடவுள் மற்றும் இந்த பிரபஞ்சத்தின் அருளால் உங்களது படத்தை இயக்கி, டப்பிங் பணிகளில் பணிபுரிய வாய்ப்பு கிடைத்தது. இந்த ஆண்டு குட் பேட் அக்லி என்ற அற்புதமான பயணத்துடன் தொடங்கி நிறைவடைந்தது. உங்களுடன் பணிபுரிந்த நினைவுகள் எப்போதும் பொக்கிஷமாக இருக்கும். அஜித் சாருக்கு நன்றி” என பதிவிட்டுள்ளார்.
#GoodBadUgly - Ajithkumar's Dubbing Session Clicks..💥🤩 pic.twitter.com/XqAOMmtK22
— Laxmi Kanth (@iammoviebuff007) December 29, 2024
இந்த பதிவு வைரலாகி வருகிறது. அஜித் நடித்த ’நேர்கொண்ட பார்வை’ படத்தில் ஆதிக் ரவிச்சந்திரன் முக்கிய கதாபாத்திரத்தில் நடித்திருந்தார். இதனைத்தொடர்ந்து தற்போது அஜித் நடித்துள்ள படத்தை ஆதிக் ரவிச்சந்திரன் இயக்கியுள்ளார். குட் பேட் அக்லி ’மார்க் ஆண்டனி’ திரைப்படம் போல வித்தியாசமாக இருக்கும் என ரசிகர்கள் எதிர்பார்ப்பில் உள்ளனர்.
இதையும் படிங்க: ராஜமௌலியின் அடுத்த பிரமாண்டம்... மகேஷ் பாபுவுக்கு ஜோடியாக நடிக்கும் பாலிவுட் பிரபலம்! - SS RAJAMOULI MAHESH BABU
'குட் பேட் அக்லி' திரைப்படம் வரும் பொங்கல் பண்டிகைக்கு வெளியாகும் என அறிவிக்கப்பட்டிருந்தது. ஆனால், பொங்கல் பண்டிகைக்கு அஜித் நடித்துள்ள 'விடாமுயற்சி' வெளியாகும் என அறிவிக்கப்பட்டுள்ளதால் 'குட் பேட் அக்லி' ரிலீஸ் அடுத்த ஆண்டு கோடை விடுமுறைக்கு தள்ளிப் போகும் என தெரிகிறது.
