மதுரை மாவட்டத்தில் இரண்டாம் கட்ட ஊரக உள்ளாட்சித் தேர்தல் வாக்குப்பதிவு அமைதியாக நடைபெற்றது. திருப்பரங்குன்றம், விளாச்சேரி ஆகிய வாக்குச்சாவடிகளுக்கு மாவட்ட ஆட்சியர் வினய் நேரில் சென்று ஆய்வு மேற்கொண்டார்.
இதனையடுத்து, செய்தியாளர்களைச் சந்தித்த ஆட்சியர் கூறியதாவது; மாவட்டத்தில் வாக்குப்பதிவு அமைதியாக நடைபெற்றது. பதற்றமான வாக்குச்சாவடிகளில் காவல்துறை பாதுகாப்பு அதிகரிக்கப்பட்டது. மதுரை சேடப்பட்டி ஒன்றியத்திற்கு உட்பட்ட இரண்டு வாக்குச்சாவடிகளில் உள்ள வெள்ளை நிற வாக்குசீட்டுகளில் மை அடையாளம் வைப்பதில் ஏற்பட்ட குளறுபடியால் வாக்குப்பதிவு அரை மணி நேரம் நிறுத்திவைக்கப்பட்டது.
பின்னர், மாற்று வாக்குச் சீட்டுகளைப் பயன்படுத்தி வாக்குப்பதிவு மீண்டும் தொடங்கியது. கொட்டாம்பட்டி ஒன்றியம் சென்னகரம்பட்டி மறுவாக்குப்பதிவும் அமைதியாக நடைபெற்றது. வாக்காளர்கள் பட்டியலில் பெயர் இடம்பெறாதது குறித்து வாக்காளர்கள் தரப்பில் பல்வேறு புகார்கள் எழுந்தன. கணக்கெடுப்பின்போது உரிய விளக்கமளிக்காததால் பட்டியிலில் பெயர் இடம்பெறாத நிலை ஏற்பட்டிருக்கும் என தெரிவித்தார்.
இதையும் படிங்க: வாக்குச்சாவடி மையங்களுக்கு பொருட்கள் அனுப்பும் பணி: சந்தீப் நந்தூரி நேரில் ஆய்வு!
