உயர் நீதிமன்ற மதுரைக் கிளையில் முதல் பெண் "சோப்தார்" நியமனம்!

சென்னை உயர் நீதிமன்ற மதுரைக் கிளையின் முதல் "சோப்தாராக" லலிதா என்பவர் நியமிக்கப்பட்டுள்ளார். உயர் நீதிமன்ற மதுரைக்கிளை நீதிபதி மாலாவுக்கு சோப்தாராக லலிதா நியமிக்கப்பட்டுள்ளார்.

மதுரை: உயர் நீதிமன்றங்களில் நீதிபதிகள் தங்கள் அறையில் இருந்து நீதிமன்ற அரங்கிற்குச்செல்லும் போது அவர்களுக்கு முன் வெள்ளை நிற உடையும், சிவப்பு நிற தலைப்பாகையும் அணிந்தும் நீதிபதி வருவதை குறிக்கும் வகையில், கையில் செங்கோல் ஏந்தி சமிக்ஞை செய்து கொண்டே செல்பவர், ’சோப்தார்’ என அழைக்கப்படுகிறார்.

உயர் நீதிமன்ற நீதிபதிகளுக்கான 40 சோப்தார்கள் கடந்த ஆண்டு தேர்வு செய்யப்பட்டனர். உயர் நீதிமன்ற வரலாற்றில் பெண் சோப்தாராக சென்னை உயர் நீதிமன்றத்தில் திலானி என்பவர் கடந்த ஆண்டு நியமிக்கப்பட்டார்.