மதுரை மாவட்டம் திருப்பாலையில் பாஜக சார்பில் பொங்கல் விழா நேற்று (ஜன. 10) நடைபெற்றது. இந்த விழாவை மதுரை பாஜக புறநகர் மாவட்டத் தலைவர் சுசிந்திரன் தலைமை தாங்கினார். இதில், சிறப்பு விருந்தினராக பாஜக மாநிலத் தலைவர் எல். முருகன் பங்கேற்றார். அப்போது, இஸ்லாமியர்களுக்கும் பாஜகவினருக்கும் இடையே கருத்து வேறுபாடு ஏற்பட்டது.
இதனையடுத்து, மதுரை மேலமடையில் புறநகரிலுள்ள பாஜக மாவட்டத் தலைவர் சுசிந்திரன் அலுவலகத்தை அடையாளம் தெரியாத 10 பேர் கொண்ட கும்பல் சூறையாடினர். மேலும், அலுவலகத்தில் வைக்கப்பட்டிருந்த 30 பிளாஸ்டிக் நாற்காலிகள் சேதப்படுத்தப்பட்டதோடு, அலுவலக பேனர்களையும் கிழித்து எரிந்தனர்.
இச்சம்பவம் குறித்து வழக்குப்பதிவு செய்த அண்ணாநகர் காவல் துறையினர், கண்காணிப்புக் கேமராவில் பதிவான காட்சியின் அடிப்படையில் விசாரணை மேற்கொண்டுவருகின்றனர். மேலும், இச்சம்பவத்தில் தொடர்புடைய குற்றவாளிகளை உடனடியாக கைது செய்யக் கோரி பாஜகவினர் சாலை மறியலில் ஈடுபட்டனர்.
இதையும் படிங்க: மது அருந்த அனுமதிக்காத ஹோட்டல் உரிமையாளர் மீது கொலை வெறி தாக்குதல்!
