மதுரையில் 385 கிலோ குட்கா பறிமுதல் - 3 பேர் கைது

மதுரை:  மீனாட்சி அம்மன் கோயில் அருகே 385 கிலோ குட்கா காவல் துறையினரால்  பறிமுதல் செய்யப்பட்டது.

மதுரை மீனாட்சி அம்மன் கோயில் மேல கோபுரம் பகுதியில் குட்கா விற்பனை செய்துவருவதாக காவல் துறையினருக்கு ரகசிய தகவல் கிடைத்தது. அதனடிப்படையில் நடைபெற்ற சோதனையில் அதே பகுதியைச் சேர்ந்த கண்ணன் (52), சையது மீரான் (40), மதார் மைதீன்(39) ஆகிய 3 பேரை காவல் துறையினர் கைது செய்தனர்.

மேலும் அவர்களிடமிருந்து சுமார் 385 கிலோ குட்கா பொருள்கள் பறிமுதல் செய்யப்பட்டுள்ளன. இதுகுறித்து திலகர் திடல் காவல் துறையினர் வழக்குப்பதிவு செய்து விசாரணை மேற்கொண்டு வருகின்றனர்.