கிருஷ்ணகிரி மாவட்டம் ஓசூர் அடுத்த பாகலூரில் பொதுமக்கள் கரோனா தொற்று, டெங்கு காய்ச்சல் உள்ளிட்டவைகளிலிருந்து பாதுகாப்பாக இருக்க வேண்டுமென வலியுறுத்தி ஓசூர் கோட்டாட்சியர் குணசேகரன் விழிப்புணர்வு துண்டு பிரசுரங்களை வழங்கினார்.
இதையடுத்து, பொதுமக்கள் தகுந்த இடைவெளியுடன், முகக்கவசம் அணிந்துக்கொள்ள வேண்டும். கொசு உற்பத்தியாகாத வகையில் சுற்றுப்புறத்தை தூய்மையாக வைத்துக்கொள்ள வேண்டுமென பொதுமக்களை கேட்டுக்கொண்டார்.
பின்னர் பொதுமக்களுக்கு நோய் எதிர்ப்பு சக்திக்கொண்ட கபசுரக்குடிநீர் வழங்கப்பட்டது. இந்த விழிப்புணர்வு நிகழ்ச்சியில் ஓசூர் வட்டாட்சியர் வெங்கடேசன், ஒன்றியக்குழு அலுவலர்கள், பாகலூர் ஊராட்சி மன்ற தலைவர் ஜெயராமன் ஆகியோர் பங்கேற்றனர்.
