தானியங்களின் அரசி என்று உழவர்களால் அழைக்கப்படும் மக்காச்சோளம் ஆடி மாத மழையின் வரவை எதிர்பார்த்தே விதைக்கப்படுகிறது. பெரும்பாலும் மானாவாரி நிலங்களில் மட்டுமே விதைக்கப்படும் மக்காச்சோள பயிர்களில் அண்மைக்காலமாகவே ஆப்ரிகன் பட்டைப்புழு என்கிற புழு தாக்குதல் பெரும் பாதிப்பை ஏற்படுத்துகிறது.
இதனால் இந்த பட்டைப்புழு தாக்குதலின் அறிகுறிகள் குறித்தும், அதனை கட்டுப்படுத்த விவசாயிகள் மேற்கொள்ள வேண்டிய நடவடிக்கைகள் குறித்தும் பல்வேறு மாவட்டங்களில் வேளாண்மை துறை சார்பாக விழிப்புணர்வு நிகழ்ச்சி நடத்தப்பட்டுவருகிறது.
இந்நிலையில், கரூர் மாவட்டத்தில் இருக்கக்கூடிய விவசாயிகளுக்கு வேளாண்மை துறை சார்பாக கரூர் கொங்கு மண்டபத்தில் கருத்தரங்கம் நடைபெற்றது.
இக்கருத்தரங்கில் 500க்கும் மேற்பட்ட விவசாயிகள் ஆர்வத்துடன் கலந்துகொண்டு மக்காச்சோளப் பயிரில் பட்டைப்புழு மேலாண்மை குறித்த விழிப்புணர்வை பெற்றனர்.மேலும் இந்நிகழ்ச்சியில் இதிலிருந்து விடுபட தேவையான மருந்துகள் குறித்தும் விளக்கப்பட்டது.
