தூய அலங்கார மாதா திருத்தலத்தின் ஆண்டு பெருவிழா - கொடி ஏற்றத்துடன் தொடக்கம்

கன்னியாகுமரி தூய அலங்கார உபகார மாதா திருத்தலத்தின் ஆண்டு பெருவிழா கொடி ஏற்றத்துடன் தொடங்கியது. பத்து நாட்கள் நடைபெறும் இந்த விழாவில் முதல் நாளான நேற்று கொடியேற்ற விழா நிகழ்ச்சியில் ஏராளமான கிறிஸ்தவர்கள் கலந்து கொண்டனர்.

கன்னியாகுமரி: தூய அலங்கார உபகார மாதா திருத்தளத்தின் ஆண்டு பெருவிழா ஒவ்வொரு ஆண்டும் டிசம்பர் மாதம் 10 நாட்கள் கோலாகலமாக கொண்டாடப்படுவது வழக்கம். அந்த வகையில் இந்த ஆண்டிற்கான ஆண்டு திருவிழா கொடியேற்றத்துடன் தொடங்கியது.

முன்னதாக தேவாலயத்தில் சிறப்பு திருப்பலி, நேர்ச்சை கொடிகள் பவனி, திருக்கொடி பவனியும் நடைபெற்றது. அதனைத் தொடர்ந்து திருக்கொடியேற்றம் நடைபெற்றது. தொடர்ந்து பத்து நாள் நிகழ்ச்சிகளிலும் பழைய ஆலயம் திருப்பலி, திருஇருதய ஆண்டவர் பீடத்தில் நற்கருணை ஆராதனை, புனித சூசையப்பர் பீடத்தில் திருப்பலி, தினசரி செபமாலை உள்ளிட்டப் பல்வேறு நிகழ்ச்சிகள் நடைபெற உள்ளன

வரும் 9ஆம் திருவிழாவின் முக்கிய நிகழ்ச்சியான தங்கத்தேர் திருவிழா நடைபெற உள்ளது. நேற்று நடைபெற்ற முதல் நாள் கொடியேற்ற நிகழ்ச்சியில் குமரி மாவட்டத்தில் உள்ள கடற்கரை கிராமங்களைச் சேர்ந்த ஏராளமான கிறிஸ்தவர்கள் கலந்துகொண்டனர்.

இதையும் படிங்க: கராத்தே மாஸ்டர் அண்ணனை கத்தியால் குத்திக் கொன்ற தம்பி கைது!