கன்னியாகுமரி விவேகானந்தா கேந்திர கடற்கரை வளாகத்தில் திருப்பதி வெங்கடாஜலபதி கோயில் அமைந்துள்ளது. இக்கோயிலில் தினமும் காலை 6 மணிக்கு நடை திறக்கப்பட்டு சுப்ரபாத தரிசனம் நடைபெறும்.
பின்னர் இரவு 8 மணி வரை நடை திறந்து இருக்கும். தற்போது மார்கழி திருவிழா தொடங்கியுள்ள நிலையில் அடுத்த மாதம் 14ஆம் தேதிவரை காலை 6 மணிக்கு நடைபெற்றுவந்த சுப்ரபாதம் தரிசனம் தற்காலிகமாக நிறுத்தப்பட்டுள்ளதாக கோயில் நிர்வாகத்தினர் தெரிவித்துள்ளனர்.
அதற்கு பதிலாக தினமும் அதிகாலை 5 மணிக்கு நடை திறக்கப்பட்டு மூலஸ்தானத்தில் கோயில் அர்ச்சகர்களால் திருப்பாவை பாடப்பட இருக்கிறது. தொடர்ந்து, 5.30 மணி முதல் 6 மணிவரை ஆண்டாளுக்கு அபிஷேகமும், நிவேத்யமும் படைக்கப்பட உள்ளது.
மார்கழி திருவிழாவை முன்னிட்டு பக்தர்களுக்கு காலையில் பொங்கல், மதியம் தயிர் சாதம், மாலையில் புளியோதரை, இரவு மிளகு சாதமும் வழங்கப்பட இருக்கின்றன.
இதையும் படிங்க: தி.மலை கிளி கோபுரத்தில் திரும்பப் பெறப்பட்ட காவல் துறையினரின் பாதுகாப்பு
