கன்னியாகுமரி மாவட்டம் பூதப்பாண்டி கீரிப்பாறை தடிக்காரன்கோணம், கடுக்கரை, துவரங்காடு, கொதளம்பள்ளம் உள்ளிட்ட பல இடங்களில் உள்ள குடியிருப்புப் பகுதியில் கூட்டம் கூட்டமாக வரும் குரங்குகள் வீடுகளுக்குள் புகுந்து சமைத்து வைக்கப்பட்டுள்ள உணவுகள், வீட்டுப் பொருள்களைத் தூக்கிச் சென்றுவிடுகின்றன.
மேலும் குழந்தைகள், பெண்களை சாலையில் செல்லவிடாமல் துணிகளைக் கிழித்தும், அவர்களின் மீது பாய்ந்து அச்சுறுத்தவும் செய்கிறது. இதனால் பொதுமக்கள் மிகவும் அச்சமடைந்துள்ளனர். இதேபோல வாழையத்துவயல், தடிக்காரன்கோணம் உள்ளிட்ட பல பகுதியில் உள்ள கொய்யா, வாழை, தென்னை, மா, பலா, தோட்ட பயிர்களை நாசப்படுத்திவருகின்றன. இதனால் அப்பகுதி விவசாயிகள் பெரும் இழப்பினை சந்தித்துவருகின்றனர்.
எனவே, குரங்குகளைப் பிடித்து அடர்ந்த வனப் பகுதிக்குள் கொண்டுவிட வனத் துறையினர் நடவடிக்கை எடுக்க வேண்டும் என்று அப்பகுதி பொதுமக்களும், விவசாயிகளும் வனத் துறைக்கு கோரிக்கைவைத்துள்ளனர்.
இதையும் படிங்க: பள்ளி மாணவன் தூக்கிட்டுத் தற்கொலை
