தமிழ்நாட்டில் படிப்படியாக மதுபானக்கடைகள் மூடப்படும் என அரசு அறிவித்தது. ஆனால் அதை பின்பிற்றாமல் புதிது புதிதாக மதுபானக்கடைகளை திறந்து வருகிறது. அதைக் கண்டித்து மக்களும் தொடர் போராட்டங்களில் ஆங்காங்கே ஈடுபட்டு வருகின்றனர்.
கன்னியாகுமரி மாவட்டம் மணவாளக்குறிச்சி அருகே படர்நிலம் வயக்கரை பகுதியில் விதிமுறைகளை மீறி இன்று திடீரென புதிதாக மதுபானக்கடை திறக்கப்பட்டது. ஏற்கனவே இதே இடத்தில் 2017ஆம் ஆண்டு திறக்க அரசு முயற்சி செய்தது. ஆனால் பொதுமக்கள் எதிர்ப்பை தொடர்ந்து கடை திறக்கப்படவில்லை.
சிறுது காலம் கழித்து அரசு மீண்டும் அப்பகுதியில் கடையை திறந்ததால், அது மக்களிடையே அதிருப்தியை ஏற்படுத்தியது. இன்று மதியம் மதுபானக்கடையை திறக்க வந்த ஊழியர்களை சிறைபிடித்து, கடையின் முன்பு அமர்ந்து பெண்கள் உட்பட பொதுமக்கள் தர்ணா போராட்டத்தில் ஈடுபட்டுள்ளனர்.
இரண்டு முறை போராட்டம் நடத்தி, மதுபானக்கடை மூடப்பட்டது. ஆனால் மீண்டும் அதே இடத்தில் திறத்துள்ளனர். இதனால் கடையை மூடி, அங்குள்ள மதுபானங்களை எடுத்து செல்லும் வரை போராட்டம் தொடரும் என அம்மக்கள் தெரிவித்தது பரபரப்பை ஏற்படுத்தியுள்ளது. இதனால் அங்கு அசம்பாவிதம் நடக்காமல் இருக்க காவலர்கள் குவிக்கப்பட்டுள்ளனர்.
இதையும் படியுங்க: சுபஸ்ரீ விவகாரம்: காவல் ஆணையர் விசாரணையை கண்காணிக்க உத்தரவு
