ஈவினிங் ஸ்நேக்ஸிற்கு சூப்பரான சிக்கன் பிரட் ரோல்..செய்றது ரொம்ப ஈஸி தான்!

சுப்பர் டேஸ்டி மற்றும் க்ரிஸ்பியான சிக்கன் பிரட் ரோல் எப்படி செய்வது என தெரிந்து கொள்ளலாம் வாங்க..

ரொம்ப சுலபமா வீட்ல இருக்கிற பிரட்டை வைத்த்து ஈஸியா செய்யக்கூடிய சிக்கன் பிரட் ரோல் எப்படி செய்வது என பார்க்கலாம் வாங்க..

சிக்கன் பில்லிங் செய்ய தேவையான பொருட்கள்:

• சிக்கன் - 1/2 கிலோ
• தண்ணீர் - 1/4 கப்
• எண்ணெய் - 3 தேக்கரண்டி
• பூண்டு - 4 பல்
• இஞ்சி - 1 துண்டு
• பச்சை மிளகாய் - 2
• வெங்காயம் - 1
• குடைமிளகாய் - 1
• மஞ்சள் தூள் - 1 சிட்டிகை
• மிளகு தூள் - 1 டீஸ்பூன்
• மிளகாய் தூள் - 1 1/2 தேக்கரண்டி
• தனியா தூள் - 1 தேக்கரண்டி
• சீரக தூள் - 1 தேக்கரண்டி
• கரம் மசாலா தூள் - 1 தேக்கரண்டி
• கொத்தமல்லி இலை நறுக்கியது
• உப்பு - தேவையான அளவு

சிக்கன் பிரட் ரோல் செய்ய தேவையான பொருட்கள்:

• பிரட்
• முட்டை - 2
• பிரட் தூள்
• சிக்கன் பில்லிங்
• எண்ணெய் - பொரிப்பதற்கு தேவையான அளவு

சிக்கன் ரோல் செய்முறை:

1. அடுப்பில் குக்கரை வைத்து, சிக்கன், மஞ்சள் தூள், உப்பு, மிளகு தூள், தண்ணீர் ஊற்றி கலந்து 4 விசில் வரும் வரை வேகவிடவும்.
2. பின்பு சிக்கனை தனியாக எடுத்து நன்கு ஆறவிட்டு, சிக்கனின் எலும்புகளை நீக்கி சிறு சிறு துண்டுகளாக பிய்த்து கொள்ளவும்.
3. இப்போது அடுப்பில் ஒரு கடாயை வைத்து எண்ணெய் ஊற்றி அதில் பொடியாக நறுக்கிய பூண்டு, இஞ்சி, பச்சை மிளகாய் சேர்த்து வதக்கவும்.
4. பின்பு பொடியாக நறுக்கிய வெங்காயம், குடைமிளகாய் சேர்த்து வதக்கவும்.
5. பிறகு உப்பு, மிளகாய் தூள், தனியா தூள், சீரக தூள், கரம் மசாலா தூள் சேர்த்து கலந்துவிடவும்.
6. பின்பு சிக்கன் துண்டுகளை சேர்த்து மிதமான தீயில் கலந்துவிடவும்.
7. பிறகு சிக்கன் வேகைத்த தண்ணீரை சேர்த்து வதக்கவும். இறுதியாக பொடியாக நறுக்கிய கொத்தமல்லி தூவி அடுப்பை அணைக்கவும்.
8. இப்போது, பிரட்டின் எல்ல பக்க முனைகளையும் வெட்டி பின்பு பிரட் துண்டை லேசாக தண்ணீரில் நனைக்கவும். பிறகு மீதம் உள்ள தண்ணீரினை மெதுவாக அழுத்தி பிழிந்து எடுத்து கொள்ளவும்.
9. பின்பு பிரட் துண்டின் நடுப் பகுதியில் தயார் செய்த சிக்கன் பில்லிங்கை வைத்து மூடவும்.
10. இதற்கிடையில், ஒரு பாத்திரத்தில் முட்டையை உடைத்து ஊற்றி நன்கு அடித்து கொள்ளவும்.
11. பிறகு தயார் செய்து வைத்த பிரட்டை முட்டையில் தேய்த்து பிரட் தூளில் பிரட்டி வைத்து கொள்ளவும்.
12. கடாயில் எண்ணெய் ஊற்றி எண்ணெய் சூடானதும், அதில் தயார் செய்த சிக்கன் பிரட் ரோலை போட்டு பொன்னிறமாக பொரித்து எடுத்தால் சுவையான மற்றும் க்ரிஸ்பியான சிக்கன் பிரட் ரோல் ரெடி.

இதையும் படிங்க: