கன்னியாகுமரி மாவட்டம் மேக்காமண்டபம் பகுதியைச் சேர்ந்த அஜித், மாற்றுத்திறளாளியான அஜிதா என்பவரை கடந்த ஆறு ஆண்டுகளுக்கு முன்பு திருமணம் செய்துள்ளார். இந்த தம்பதியினருக்கு ஐந்து வயதில் ஒரு குழந்தை உள்ளது. அஜித் கடந்த ஆறு மாதங்களாக திருவிதாங்கோடு பகுதியில் உள்ள பேக்கரி ஒன்றி்ல் ஓட்டுநராக பணிபுரிந்துவந்தார்.
பேக்கரியில் வேலை செய்த போது, அங்கு பணிபுரிந்த ஷீபா என்ற திருமணமான பெண்ணுடன் பழக்கம் ஏற்பட்டு இருவரும் கடந்த மாதம் 22ஆம் தேதி தலைமறைவாகியுள்ளனர். பின்னர், ஷீபாவின் உறவினர் ஒருவர் கோவை காந்திநகர் பகுதியில் வைத்து அஜித் மற்றும் ஷீபாவை கண்டுபிடித்துள்ளார்.
இதன்பின்னர் ஷீபா மட்டும் ஊர் திரும்பியநிலையி்ல், அஜித் இதுவரை வீட்டிற்கு வரவில்லை. இதற்கிடையில் , தன்னுடைய கணவர் இதுவரை வீட்டிற்கு வரவில்லை எனவும் தன்னுடைய கணவர் உயிருடன் இருக்கிறாரா இல்லையா என்பதுகூட தெரியவில்லை என்றும் அழுதபடி அஜிதா பேசி வீடியோ காட்சி ஒன்றை வெளியிட்டுள்ளார். அதில் தனது கணவரை மீட்டுத்தர வேண்டும் என்று கண்ணீர் மல்க கூறியிருக்கிறார்.
இதையும் படிங்க: ஆசிரியர் திட்டியதால் மாணவி தற்கொலை - பள்ளியின் தலைமை ஆசிரியைக் கைது!
