செங்கல்பட்டு அரிமா சங்கம், தனியார் பள்ளி சார்பில் மழைநீர் சேமிப்பு, பூமி பாதுகாப்பு குறித்து பொதுமக்களுக்கு விழிப்புணர்வு எற்படுத்தும் வகையில் மாபெரும் பேரணி நடைபெற்றது. இப்பேரணி அரிமா சங்க மாவட்ட நகர தலைவர்கள், பள்ளி நிர்வாகிகள், காவல் துறையினர் கொடியசைத்து தொடங்கிவைத்தனர்.
மழையில் நனைந்தவாறே மழைநீர் சேமிப்பு குறித்து மாணவர்கள் விழிப்புணர்வு பேரணி!
ஆயிரத்திற்கும் மேற்பட்ட மாணவ மாணவியர் சாரல் மழையில் நனைந்தவாறே கைகளில் பதாகைகள் ஏந்தி 'தண்ணீரை சேமியுங்கள்', தரணியை பாதுகாக்கவும்' என்னும் முழக்கங்களை எழுப்பினர். செங்கல்பட்டு ஜி.எஸ்.டி. சாலையில் தொடங்கி பொதுமக்கள் கூடும் பகுதிகளை கடந்து இராட்டிண கிணறு பகுதியில் நிறைவுற்றது.
