காஞ்சிபுரம் மாவட்டம் கோனேரிக்குப்பம் அடுத்த அண்ணா நகர் பகுதியில் கற்பக விநாயகர் கோயில் உள்ளது.
இந்தக் கோயிலில் அதே பகுதியைச் சேர்ந்த 4 சிறுவர்கள் பட்டப்பகலில் நுழைந்து உண்டியலை உடைக்க முயற்சித்தனர். உண்டியல் உடைக்கும் சத்தம் கேட்டு அக்கம் பக்கத்தினர் வருவதை அறிந்த சிறுவர்கள் தப்பி ஓடினர்.
சிறுவர்கள் தப்பி ஓடியதை கண்ட பொதுமக்கள், அதில் ஒரு சிறுவனை பிடித்து விசாரித்தனர். சிறுவன் முன்னுக்குப் பின் முரணாக பதில் அளித்ததால், கோயிலில் உள்ள சிசிடிவி காட்சியை பார்த்தனர். அதில் சிறுவர்கள் கோயில் உண்டியலை உடைக்க முயன்றது பதிவாகியிருந்தது.
இது குறித்து தகவலறிந்து வந்த காவல் துறையினர் பொதுமக்கள் பிடித்துக் கொடுத்த சிறுவனிடம் விசாரணை செய்து, தப்பியோடிய மேலும் 3 சிறுவர்களை தேடி வருகின்றனர்.
இதையும் படிங்க: பட்டப்பகலில் பள்ளிவாசல் உண்டியல் திருட்டு - காவல்துறையினர் விசாரணை
