காஞ்சிபுரம் மாவட்டம் ஸ்ரீபெரும்புதூர் அடுத்த வடகல் பகுதியை சேர்ந்தவர் பிரபாகரன் (25). இவருக்கும் எழுச்சூர் பகுதியை சேர்ந்த சூர்யா (23) என்பவருக்கும் கடந்த 11 மாதங்கள் முன்பு திருமணம் நடைபெற்றது. இருவரும் வடகல் பகுதியிலுள்ள பிரபாகரன் வீட்டில் வாழ்ந்து வந்துள்ளனர்.
கணவன் மனைவி இருவருக்கும் ஏற்பட்ட மனக்கசப்பால் மனமுடைந்த சூர்யா கடந்த ஏழாம் தேதி தற்கொலைக்கு முயன்றுள்ளார். இதையறிந்த சூர்யாவின் உறவினர்கள் தண்டலம் பகுதியிலுள்ள தனியார் மருத்துவமனையில் அவரை சிகிச்சைக்காக அனுமதித்தனர். அங்கு சிகிச்சை பெற்று வந்த சூர்யா நேற்று (பிப்.11) சிகிச்சை பலனின்றி உயிரிழந்தார்.
இது குறித்து ஒரகடம் காவல் நிலையத்திற்கு தகவல் தெரிவிக்கப்பட்டது. சம்பவ இடத்திற்கு விரைந்து வந்த காவல் துறையினர் உயிரிழந்த சூர்யாவின் உடலை கைப்பற்றி உடற்கூராய்விற்காக ஸ்ரீபெரும்புதூர் அரசு மருத்துவமனைக்கு அனுப்பி வைத்தனர்.
திருமணமாகி 11 மாதங்களே ஆனதால் ஆர்டிஓ விசாரணை நடைபெறுகிறது. இது தொடர்பாக வழக்குப்பதிவு செய்து ஒரகடம் காவல் துறையினரும் விசாரணை நடத்தி வருகின்றனர்
இதையும் படிங்க:திருமண ஆசை காட்டி இளம்பெண்ணை ஏமாற்றிய இளைஞர் கைது!
