மணிமங்கலம் ஏரியில் அழுகிய நிலையில் ஆண் சடலம் மீட்பு

காஞ்சிபுரம்: மணிமங்கலம் ஏரியில் அழுகிய நிலையில் ஆண் சடலம் கண்டெடுக்கப்பட்ட சம்பவம் குறித்து காவல்துறையினர் விசாரணை மேற்கொண்டு வருகின்றனர்.

காஞ்சிபுரம் மாவட்டம் ஸ்ரீபெரும்புதூர் அடுத்த மணிமங்கலம் ஏரியில் அழுகிய நிலையில் ஆண் சடலம் மிதப்பதாக காவல் நிலையத்திற்கு பொதுமக்கள் தகவல் கொடுத்தனர்.

அதன்பேரில் சம்பவயிடத்திற்கு வந்த காவல் துறையினர் சடலத்தை மீட்டு உடற்கூராய்விற்காக குரோம்பேட்டை அரசு மருத்துவமனைக்கு அனுப்பி வைத்தனர்.

தற்போது தடயங்களை சேகரித்த காவல் துறையினர் உயிரிழந்த நபர் குறித்து தீவிர விசாரணை மேற்கொண்டு வருகின்றனர்.

கடந்த ஆண்டு பொதுப்பணித்துறை சார்பாக மணிமங்கலம் ஏரியில் தூர்வாரும் பணிகள் நடைபெற்று முடிந்தன. அப்பொழுது அரசு அறிவித்த 6 அடிக்கு பதிலாக 7 அடி வரை குழிகள் தொண்டப்பட்டதால், இதுபோன்ற விபத்துகள் நடைபெற்று வருவதாக பொதுமக்கள் குற்றஞ்சாட்டுகின்றனர்.

ஏற்கனவே, இதே ஏரியில் நான்கு பேர் உயிரிழந்தது குறிப்பிடத்தக்கது.

இதையும் படிங்க: அழுகிய நிலையில் பெண் சடலம் மீட்பு: போலீசார் விசாரணை