ஈரோடு மாவட்டம் சத்தியமங்கலம் புலிகள் காப்பகம், தாளவாடி பகுதியில் 65 வயது மிக்க, மனநலம் பாதிக்கப்பட்ட முதியவர் ஒருவர் சுமார் இரண்டு மாதங்களாக சாலையோரம் வசித்து வந்துள்ளார். ஆதரவளிக்க யாரும் இல்லாத நிலையில், கிழிந்த உடையுடன் சுற்றிவந்த அவரைக் கண்ட தாளவாடி பகுதியைச் சேரந்த 108 ஆம்புலன்ஸ் சேவை ஊழியர்கள் குரு, அந்தோனிராஜ், இளையராஜா, நாகராஜ் ஆகியோர், மாற்று உடை வாங்கிக் கொடுத்து, அவரை மருத்துவமனையில் அனுமதித்தனர்.
மருத்தவமனையில் உள்ள அந்த முதியவருக்கு தற்போது போதிய சிகிச்சை அளிக்கப்பட்டுவரும் நிலையில், இந்த தகவல் அறிந்த அப்பகுதி மக்கள் இந்த இளைஞர்களின் நல்ல மனதை பாராட்டி புகழ்ந்து வருகின்றனர்.
