தமிழ்நாட்டில் தளர்வுகளற்ற முழு ஊரடங்கு காரணமாக அனைத்து கடைகளும் மூடப்பட்டுள்ளன. கூலித் தொழிலாளர்கள் வேலை வாய்ப்பின்றி அவதிப்பட்டு வருகின்றனர். இந்த சூழலில் உணவின்றி யாரும் கஷ்டப்படக்கூடாது என்ற அரசின் கொள்கையால் பொதுமுடக்கத்தின் போது அம்மா உணவகம் வழக்கம்போல செயல்பட்டது.
அம்மா உணவகத்துக்கு செல்வோர் காவல்துறையினரிடம் தகவல் தெரிவித்துச் சென்றனர். அம்மா உணவகத்துக்கு செல்வோரை தடுக்கக்கூடாது என மாவட்ட நிர்வாகம் உத்தரவிட்டதையடுத்து உரிய ஆவணங்கள் காண்பித்து செல்லலாம் என தெரிவிக்கப்பட்டது.
ஆதவற்றோர், கலாசு தொழிலாளர்கள்*, கூலித் தொழிலாளர்கள் அம்மா உணவகத்தில் உணவு உண்டனர். வறுமையில் வாடும் தொழிலாளர்கள் அம்மா உணவகத்தில் பார்சல் வாங்சிச் செல்ல அனுமதிக்கப்பட்டனர். இந்த சூழலிலும் சுத்திகரிக்கப்பட்ட குடிநீர், சூடான உணவு வழங்கப்பட்டதாகப் பொதுமக்கள் தெரிவித்தனர். இன்று (மே.24) காலை 150 பேருக்கு உணவு வழங்கப்பட்டதாக அம்மா உணவகத்தினர் தெரிவித்தனர்.
இதையும் படிங்க: ஊரடங்கை மீறி வெளியே சுற்றியவர்களின் வாகனங்கள் பறிமுதல்!
