திண்டுக்கல் மாவட்டம் வேடசந்தூர் அருகே உள்ள பூத்தம்பட்டியில் நாகா சோப்பு கம்பெனி செயல்பட்டு வருகிறது. இங்கு பணிபுரிவதற்காக சுற்றுவட்டார கிரமாங்களில் இருந்து ஆண்கள், பெண்கள் உள்ளிட்டோர் வேன் மூலம் அழைத்து வரப்படுகின்றனர். இந்நிலையில், வழக்கம்போல் இன்று பணி ஆட்களை எற்றி கொண்டு பூத்தம்பட்டி வந்து கொண்டிருந்த வேன், வரப்பட்டி என்ற இடத்தில் கவிழ்ந்து விபத்துக்குள்ளானது.
இதில், சுமதி என்ற பெண் சம்பவ இடத்தில் பலியானார். மேலும், படுகாயமடைந்த 15க்கும் மேற்பட்டோர் திண்டுக்கல் அரசு மருத்துவமனையில் அனுமதிக்கப்பட்டுள்ளனர்.
இது போன்ற ஊழியர்களை அழைத்து வரும் வாகனங்களில் வேக கட்டுப்பாட்டு கருவி பொருத்தப்பட்டும், பாதுகாப்பு அம்சங்கள் நிறைந்து இருக்க வேண்டும் என்பது மோட்டார் வாகன சட்டத்தில் உள்ளது. ஆனால், இந்த விதிகளை பின்பற்றாமல் இருப்பதால் இது போன்ற விபத்துக்கள் அடிக்கடி நடைபெறுகிறது. இது குறித்து நடவடிக்கை எடுக்க வேண்டும் என்ற கோரிக்கை வெகு காலமாகவே முன்வைக்கப்பட்டு வருகிறது.
