திண்டுக்கல்: கொடைக்கானலில் உள்ள மேல்மலை கிராமங்களான கே சி பட்டி , பாச்சலூர் உள்ளிட்ட பல்வேறு மலைக்கிராமங்களில் யானைகள் தொடர்ந்து விளைநிலங்களுக்குள் வந்த வண்ணம் உள்ளன. இதனால் விவசாயிகள் விளை பொருட்களை விளைவிக்க முடியாமல் தவித்து வருகின்றனர்.
கொடைக்கானல் கீழ் மழை கிராமங்களில் ஒன்றான கள்ளக் கிணறு பகுதியில் முத்துப்பாண்டி என்பவரின் தோட்டத்தில் 10 ஏக்கருக்கும் மேலாக இருந்த வாழை மரங்களை முழுவதுமாக சேதப்படுத்தி குடியிருந்த வீட்டையும் யானைகள் நொறுக்கியுள்ளது.
இதனால் அப்பகுதி விவசாயிகள் அச்சத்தில் உள்ளனர். யானைகளால் விவசாயிகள் வாழ்வாதாரம் பாதிக்கப்படக்கூடிய நிலையில், இப்பிரச்சனைக்கு நிரந்தர தீர்வு காண வனத்துறையினர் நடவடிக்கை எடுக்க வேண்டும் என அவர்கள் வலியுறுத்தியுள்ளனர். விரைந்து நடவடிக்கை எடுக்க வேண்டும் என்ற கோரிக்கை எழுந்திருக்கிறது.
இதையும் படிங்க: இயற்கை சூழல் மீதுள்ள காதல்.. பாரம்பரிய மண் வீட்டை கட்டிவரும் நம்மாழ்வாரின் ஆதரவாளர்
