ஆட்டோ மீது டிராக்டா் மோதி இருவர் உயிரிழப்பு!

பள்ளி மாணவர்களை ஏற்றிச்சென்ற ஆட்டோ மீது டிராக்டர் மோதிய விபத்தில், ஆட்டோ ஓட்டுநரும், ஒரு மாணவரும் சம்பவ இடத்திலேயே உயிரிழந்தது சோகத்தை ஏற்படுத்தியிருக்கிறது.

தருமபுரி: ஆட்டோ மீது டிராக்டர் மோதிய விபத்தில் இருவர் சம்பவ இடத்திலேயே உயிரிழந்தனர்.

தருமபுரி மாவட்டம் கொண்டசாமனஅள்ளி பகுதியைச் சோ்ந்தவர் முருகேசன் (52). இவர் சொந்தமாக ஆட்டோ வைத்து வாடகைக்கு ஓட்டி வருகிறார். இன்று மாலை அனுமந்தபுரம் பள்ளியில் படித்துவரும் மாணவர்களை கொண்டசாமனஅள்ளி பகுதிக்கு ஏற்றி சென்றுள்ளார்.

கொண்டசாமஅள்ளி அருகே சிறிய மலைப் பகுதியை நெருங்கியபோது ஆட்டோ மீது பயங்கரமாக டிராக்டர் மோதிக்கொண்டது. இந்த விபத்தில் முருகேசனும், பத்தாம் வகுப்பு மாணவனான விஜியும் சம்பவ இடத்திலேயே உயிரிழந்தனர். ஆட்டோவில் பயணம் செய்த சிவசக்தி, சிவவிக்னேஷ் என்ற இரண்டு பள்ளி மாணவார்கள் பலத்த காயம் அடைந்து ஆபத்தான நிலையில் தருமபுரி மருத்துவக்கல்லுரி மருத்துவமனையில் சிகிச்சைப்பெற்று வருகின்றனர்.

இந்த விபத்து குறித்து பாலக்கோடு காவல் துறையினர் வழக்குப்பதிவு செய்து விசாரணை மேற்கொண்டு வருகின்றனர்.