தருமபுரி சேலம் - பெங்களூரு தேசிய நெடுஞ்சாலையில் கண்டெய்னர் லாரி ஒன்று சென்றுகொண்டு இருந்தது. தொப்பூர் கணவாய் பகுதி அருகே வந்துகொண்டிருந்தபோது அதன் கட்டுப்பாட்டை இழந்த கண்டெய்னர் லாரி, சாலையில் சென்றுகொண்டிருந்த மினி லாரி, கார்கள் உள்ளிட்ட வாகனங்கள் மீது மோதியது. விபத்தில் இதுவரை மூன்று பேர் உயிரிழந்துள்ளதாகவும், படுகாயமடைந்த 3 பேர் மீட்கப்பட்டு மருத்துவமனையில் அனுமதிக்கப்பட்டுள்ளதாகவும் முதல்கட்ட தகவல்கள் தெரிவிக்கின்றன.
சாலை விபத்து நேரிட்ட இடத்தில் கடும் போக்குவரத்து நெரிசல் ஏற்பட்டு, நீண்ட தூரத்துக்கு வாகனங்கள் நின்று கொண்டிருக்கின்றன. மீட்புப் பணியில் தீயணைப்பு துறையினர் மற்றும் தொப்பூர் காவல் துறையினர் ஈடுபட்டு வருகின்றனர்.
இதையும் படிங்க : திருமணமான பெண் சடலமாக மீட்பு: போலீசார் விசாரணை
