கரோனா பாதிப்பின் காரணமாக நாடு முழுவதும் ஊரடங்கு உத்தரவு அமலில் உள்ள நிலையில், மக்கள் அன்றாட தேவைக்காக அவதிப்படுகின்றனர். அதேவேளையில் மது போதைக்கு அடிமையானவர்கள் மது கிடைக்காத காரணத்தால் போதை தரக்கூடிய எந்த பொருளையும் உட்கொள்ளும் அவலநிலைக்கு ஆளாகியுள்ளனர்.
இந்நிலையில் கடலுார் மாவட்டம் ஆலப்பாக்கம் பகுதியைச் சேர்ந்த முருகேசன், எழில்வாணன், மாயகிருஷ்ணன், சந்திரஹாசன், சுந்தரராஜன் ஆகியோர் குள்ளஞ்சாவடி அருகே விற்பனை செய்யப்பட்ட கள்ளச்சாராயத்தை வாங்கி குடித்துள்ளனர்.
மேலும், சாராயம் இல்லாத விரக்தியில் சிப்காட் பகுதியில் உள்ள தொழிற்சாலையில் மெத்தனால் பொருள்களைத் திருடிச் சென்று குடித்த இவர்கள், இன்று காலை திடீரென்று மயக்கம் அடைந்துள்ளனர். இதில் சம்பவ இடத்திலேயே சந்திரஹாசன் என்பவர் உயிரிழந்தார். மேலும் மாயகிருஷ்ணன், எழில்வாணன், சுந்தர்ராஜன் ஆகியோர் மருத்துவமனையில் தீவிர சிகிச்சைப் பிரிவில் அனுமதிக்கப்பட்டுள்ளனர்.
இதையும் படிங்க: கள்ளச்சாராயம் விற்ற 4 பேர் கைது: 200 லிட்டர் சாராய ஊறல்கள் அழிப்பு!
