கடலூர் மாவட்டத்தில் காலியாகவுள்ள 3,165 உள்ளாட்சி பதவியிடங்களுக்கான தேர்தல் இன்று நடைபெற்றுவருகிறது. மாவட்டத்தில் மொத்தமுள்ள 14 ஊராட்சி ஒன்றியங்களில் 7 ஊராட்சி ஒன்றியங்களுக்கு முதல்கட்டமாக இன்று காலை 7 மணி முதல் வாக்குப்பதிவு தொடங்கியது.
பண்ருட்டி ஒன்றியம் விலங்கல்பட்டு ஊராட்சியில் நான்காவது வார்டில் 193 வாக்காளர்கள் உள்ளனர். இந்த வார்டிலும் காலை 7 மணிக்கு வாக்குப்பதிவு தொடங்கியது. இந்நிலையில் அந்தப் பகுதியில் போட்டியிடும் மோகனா மணிபாலன் என்கிற சுயேச்சை வேட்பாளரின் கார் சின்னம் வாக்குச் சீட்டில் இடம்பெறவில்லை என்பது தெரியவந்தது.
40 பேர் அந்த வார்டில் வாக்களித்திருந்த நிலையில், தன்னுடைய சின்னம் இல்லாததற்கு மோகனா மணிபாலன் எதிர்ப்பு தெரிவித்ததால், தற்போது தற்காலிகமாக அங்கு வாக்குப்பதிவு நிறுத்தப்பட்டுள்ளது. மேலும் இதுகுறித்து தேர்தல் அலுவலர்கள் ஆலோசித்துவருகின்றனர்.
இதையும் படிங்க: 100 வயதிலும் ஜனநாயக கடமையை ஆற்றிய மூதாட்டி!
