குடியுரிமை திருத்தச் சட்டத்திற்கு ஆதரவாக பாஜக சார்பில் நாளை பேரணி நடைபெறவுள்ளது. இந்தப் பேரணியில் ஏதேனும் அசம்பாவிதங்கள் ஏற்படாத வண்ணம், காவல் துறையினர் பாதுகாப்பு வழங்கும்படி, எஸ்டிபிஐ அமைப்பினர் கோவை மாநகர காவல் ஆணையரிடம், பிரியாணி செய்யும் அண்டாவுடன் வந்து மனு அளித்தனர்.
பின்னர் இதுகுறித்து செய்தியாளர்களிடம் பேசிய எஸ்டிபிஐ கட்சியின் கோவை மாவட்ட துணை தலைவர் அப்துல் காதர், பாஜக நடத்தும் பேரணியில் எவ்வித அசம்பாவிதமும் நடந்து விடக்கூடாது என்பதற்காகவே, இந்தப் புகார் மனு அளித்துள்ளோம்.
கடந்த முறை பாஜக சார்பில் நடைபெற்ற பேரணியில் பல கடைகள் சூறையாடப்பட்டன. இதன் காரணமாகவே, முன்னெச்சரிக்கையாக பாதுகாப்பு கேட்டு மனு கொடுத்துள்ளோம்.
எனவே பாஜக நடத்தும் பேரணியின்போது, காவல் துறையினர் வணிக நிறுவனங்கள், இதர கடைகள், பிரியாணி கடைகளுக்கு பாதுகாப்பு வழங்க வேண்டும்” என்றார்.
இதையும் படிங்க: 'திமுகவும் காங்கிரசும் பிணந்தின்னி அரசியல் செய்கிறது...!’
