கோவை: பெட்ரோல், டீசல் விலை ரூ.100க்கு மேல் கடந்து செல்லும் நிலையில், பெட்ரோல் பங்குகளில் உள்ள பிரதமர் மோடி படத்திற்கு மலர் தூவி மரியாதை செலுத்தும் போராட்டம் நடத்தப்படும் என்று தந்தை பெரியார் திராவிடர் கழகத்தினர் நேற்று அக்.26ஆம் தேதி அறிவித்திருந்தனர்.
ஆர்ப்பாட்டம்
அவிநாசி சாலையில் தனியார் மருத்துவமனை அருகில் பெட்ரோல் பங்கில் இருந்த பிரதமர் மோடி படம் அகற்றப்பட்டது. எனினும், பிரதமர் மோடியின் புகைப்படத்துடன் வந்த தந்தை பெரியார் திராவிடர் கழகத்தினர் பெட்ரோல் பங்க் முன்பாக பிரதமர் மோடி படத்துடன் ஆர்ப்பாட்டம் மேற்கொண்டனர். பின்னர், பிரதமர் மோடியின் புகைப்படத்திற்கு மலர் தூவி மரியாதை செலுத்தினர்.
வேதனையில் மலர் தூவுகிறோம்
பின், செய்தியாளர்களுக்குப் பேட்டி அளித்த தந்தை பெரியார் திராவிடர் கழகத்தின் பொதுச் செயலாளர் கு.ராமகிருஷ்ணன், பெட்ரோல் டீசல் அதிக விலைக்கு விற்பதால் மக்கள் படும் வேதனையைப் பிரதமரின் புகைப்படத்திற்கு மலர் தூவி காட்டுகின்றோம்; பெட்ரோல் விலை உயர்வால் மக்களுக்கு ஏற்படும் வேதனையை வெளிப்படுத்தும் விதமாக இந்த போராட்டம் நடத்தப்படுகிறது” எனத் தெரிவித்தார்.
இதனையடுத்து போராட்டத்தில் ஈடுபட்ட தந்தை பெரியார் திராவிடர் கழகத்தினர் 30க்கும் மேற்பட்ட காவல்துறையால் கைது செய்யப்பட்டனர்.
இதையும் படிங்க: இன்னார்தான் படிக்க வேண்டும் என்பதை மாற்றியது திமுக - ஸ்டாலின்
