பொள்ளாச்சி அடுத்த நவமலைக்கு வெளியாட்கள் செல்லத் தடை... ஏன் தெரியுமா?

பொள்ளாச்சி அருகே உள்ள நவமலையில் சுற்றித்திரியும் ஒற்றை காட்டு யானையை விரட்ட வனத்துறையினர் நடவடிக்கை மேற்கொண்டு வரும் நிலையில், நவமலைக்கு வெளியாட்கள் செல்ல வனத்துறையினர் தடை விதித்துள்ளனர்.

கோயம்புத்தூர்: ஆனைமலைப் புலிகள் காப்பகத்துக்கு உட்பட்ட பொள்ளாச்சி வனச்சரகம் நவமலையில் கடந்த இரண்டு மாதங்களாக ஒற்றை காட்டு யானை சாலையில் சுற்றித்திரிந்து பொதுமக்களை அச்சுறுத்தி வருகிறது.

கடந்த சில நாட்களுக்கு முன் இரண்டு கார்களை சேதப்படுத்தியதில் ஒருவர் காயமடைந்தார். நேற்று (மார்ச் 19) மாலை நவமலைக்குச் சென்ற அரசுப் பேருந்தை வழிமறித்து தாக்கி, கண்ணாடிகளை உடைத்தது. இந்தநிலையில், காட்டு யானையை வனத்திற்குள் விரட்ட வனத்துறையினர் பல்வேறு கட்ட நடவடிக்கைகளை மேற்கொண்டு வருகின்றனர்.