ஈமு கோழிப் பண்ணை மோசடி - 40 லட்சம் ரூபாய் அபராதம்

ஈமு கோழிப் பண்ணை மோசடி வழக்கில் 10 ஆண்டுகள் கடுங்காவல் தண்டனையும் 40 லட்சம் ரூபாய் அபராதம் விதித்து நீதிமன்றம் உத்தரவிட்டுள்ளது.

கோவை: 2014ஆம் ஆண்டு திருப்பூர் மாவட்டத்தில் ஸ்ரீ குபேரன் என்ற பெயரில் ஈமு கோழிப் பண்ணை செயல்பட்டுவந்துள்ளது. அப்போது பல்வேறு கவர்ச்சிகரமான அறிவிப்புகளை அந்நிறுவனம் அறிவித்துள்ளது. இதனை நம்பி பொதுமக்கள் பலரும் அதில் முதலீடு செய்துள்ளனர்.

ஆனால் முதலீடு செய்த பலருக்கும் செலுத்திய தொகையைத் திருப்பித் தராமல் 62 லட்சத்து 51 ஆயிரம் ரூபாயை ஏமாற்றியதாகக் கூறப்படுகிறது. இது குறித்து தாராபுரம் பகுதியைச் சேர்ந்த ராஜாமணி என்பவர் கோவை பொருளாதார குற்றப்பிரிவு நீதிமன்றத்தில் வழக்குத் தொடுத்தார்.

ஈமு கோழிப் பண்ணை மோசடி

இந்த வழக்கு தொடர்பாக விசாரணை நடைபெற்றுவந்த நிலையில், இன்று (செப்டம்பர் 3) அதனை விசாரித்த நீதிபதி ஈமு பண்ணை நடத்திவந்த ஏ.கே. குமாருக்கு 10 ஆண்டுகள் கடுங்காவல் தண்டனையும், 40 லட்சம் ரூபாய் அபராதமும் விதித்து உத்தரவிட்டுள்ளார். மேலும் இன்றைய விசாரணைக்கு குமார் வராததால் பிடியாணை அனுப்பியுள்ளார்.