நீட் தேர்வு முடிவுகள் வெளியானதைத் தொடர்ந்து அதில் மதிப்பெண் குறைந்த மாணவிகள் மூன்று பேர் தமிழ்நாட்டின் பல்வேறு பகுதிகளில் உயிரிழந்தனர். இந்நிலையில், நீட் தேர்வை ரத்து செய்ய வேண்டும் என வலியுறுத்தி இந்திய மாணவர் சங்கத்தினர் நேற்று (சனிக்கிழமை) கோவை காந்திபுரம் பெரியார் படிப்பகம் முன்பாக ஆர்ப்பாட்டத்தில் ஈடுபட்டனர்.
தூக்கு கயிறு மாட்டிக் கொண்டு ஆர்ப்பாட்டம்
அப்போது, கழுத்தில் தூக்குக் கயிறை மாட்டிக்கொண்டு நீட் தேர்விற்கு எதிர்ப்பு தெரிவித்த மாணவர்கள், நீட் தேர்வு காரணமாக உயிரிழந்த மாணவர்களின் குடும்பத்திற்கு அரசு உரிய இழப்பீடு வழங்கிட வேண்டும் எனவும் வலியுறுத்தினர்.
நீட் தேர்வு ரத்து செய்யப்படும் வரை தொடர் போராட்டத்தில் ஈடுபடப் போவதாகவும் அவர்கள் தெரிவித்தனர். இதனையடுத்து அனுமதியின்றி ஆர்ப்பாட்டத்தில் ஈடுபட்டதாக இந்திய மாணவர் சங்கத்தினர் 15 பேரை காவல் துறையினர் கைது செய்தனர்.
