சென்னை மண்ணடியைச் சேர்ந்தவர் செரினா பானு(42). இவரது கணவர் நவாஸ்கான். அவர் சாலை விபத்தில் கடந்த 20 ஆண்டுகளுக்கு முன்பு உயிரிழந்தார். செரினா பானு தன்னுடைய மகள் நஸ்ரின் பாத்திமா மற்றும் மகன் லெனினுடன் மண்ணடி பகுதியில் வசித்து வந்தார். செரினா பானு கூலி வேலை செய்து குடும்பத்தை காப்பாற்றி வந்தார். இந்நிலையில் நேற்று வேலை முடித்து வீட்டிற்கு வந்த செரினா பானு குழந்தைகளுடன் உறங்கச் சென்றார். நேற்று நள்ளிரவு முதல் பலத்த மழை பெய்து வந்ததையடுத்து இன்று அதிகாலை 4 மணியளவில் பலத்த இடி தாக்கி உள்ளது.
அப்போது உறங்கிக் கொண்டிருந்த நஸ்ரின் பாத்திமா, லெனின் மீது ஓடுகள் உடைந்து விழுந்துள்ளன. அதனையடுத்து இருவரும் வெளியே ஓடிவந்துள்ளனர். அடபபோது வீட்டில் தரையில் உறங்கிக் கொண்டிருந்த செரினா பானு மீது மேற்கூரை ஓடுகள் முழுவதும் மளமளவென சரிந்து விழுந்ததில் அவர் மூச்சுத்திணறி சம்பவ இடத்திலேயே உயிரிழந்துள்ளார். தாய் மீது ஓடுகள் விழுந்து அவர் சிக்கிக்கொண்டதை கண்டு குழந்தைகள் கதறி அழுதனர்.
