'கேரளாவில் நாளை தொடங்குகிறது பருவமழை' - வானிலை ஆய்வு மையம்

சென்னை: "தென்மேற்கு கடற்கரை பகுதியில் குறைந்த காற்றழுத்த தாழ்வுநிலை நிலவுவதால் கேரளாவில் நாளைமுதல் தென்மேற்கு பருவமழை தொடங்கக்கூடும்" என்று, சென்னை வானிலை ஆய்வுமைய இயக்குநர் பாலசந்திரன் தெரிவித்துள்ளார்.

இது குறித்து அவர் செய்தியாளர்களிடம் கூறுகையில், "தென்மேற்கு கடற்கரை பகுதியில் குறைந்த காற்றழுத்த தாழ்வுநிலை நிலவுவதால், கேரளாவில் நாளை முதல் தென்மேற்கு பருவமழை பெய்யக்கூடும். தமிழ்நாட்டில் பொறுத்தவரை கடந்த 24 மணி நேரத்தில் அதிகபட்சமாக கன்னியாகுமரி மாவட்டம், சுரளக்கோடு, சிவலோகம் பகுதியில் 1 செ.மீ மழை பெய்துள்ளது. வெப்பச் சலனம் காரணமாக தமிழ்நாட்டின் உள்மாவட்டங்களில் ஓரிரு இடங்களில் இடியுடன் கூடிய மழை பெய்யக்கூடும். வெப்பநிலை பொறுத்தவரையில் 2 முதல் 3 டிகிரி வரை அதிகரிக்ககூடும். சென்னையை பொறுத்தவரை மழைக்கு வாய்ப்பில்லை. ஆனால் வெப்பம் படிப்படியாக குறையும்" என்றார்.