சென்னை: தமிழ்நாடு அரசின் தலைமைச்செயலகத்தில் முதலமைச்சர், 34 அமைச்சர்கள், தலைமைச் செயலாளர் மற்றும் இதர துறை செயலாளர்களின் அறைகள் உள்ளன. இந்த நிலையில் முதலமைச்சர் மு.க.ஸ்டாலினின் மகனும், சேப்பாக்கம் சட்டமன்ற உறுப்பினருமான உதயநிதி ஸ்டாலினுக்கு இளைஞர் நலன், விளையாட்டு மற்றும் சிறப்பு திட்ட செயலாக்கத்துறை அமைச்சர் பதவி வழங்கப்பட உள்ளதாகத் தகவல்கள் வெளியாகி உள்ளன.
இதற்காக தலைமைச்செயலகத்தின் இரண்டாவது மாடியில் சிறப்பு திட்ட செயலாக்கத்துறை அலுவலர்களின் அறை மாற்றப்பட்டு வருவதாகத் தெரிகிறது. இதனை தலைமைச் செயலக பொதுப்பணித்துறை சார்ந்த 50 ஊழியர்கள் மாற்றி வருகின்றனர்.
மேலும் உதயநிதி ஸ்டாலின் அமைச்சராவது குறித்து இன்று (டிச.12) மாலை அறிவிப்பு வெளியாகி, வரும் 14ஆம் தேதி ஆளுநர் மாளிகையில் அவருக்கான பதவிப்பிராமணம் நடைபெற உள்ளதாகவும் தகவல்கள் வெளியாகி உள்ளன.
இதையும் படிங்க: உதயநிதி ஸ்டாலினுக்கு அமைச்சர் பதவி..? முதலமைச்சர் முடிவு..!
