சென்னை: தங்கத்தின் விலையில் நாளுக்கு நாள் மாற்றம் ஏற்பட்டு வருகிறது. மேலும் கடந்த சில நாள்களாக தங்கத்தின் விலை கூடுவதும் குறைவதுமாக உள்ளது.
இன்று (ஜூலை 21) சென்னையில் ஆபரணத் தங்கத்தின் விலை, சவரனுக்கு ரூ.160 அதிகரித்து, ரூ.36,528-க்கு விற்பனை செய்யப்பட்டு வந்த நிலையில், தற்போது சவரனுக்கு 288 ரூபாய் குறைந்து ரூ.36,240-க்கு விற்பனையாகி வருகிறது.
அதே போல் 1 கிராம் தங்கம் ரூ.4,566-க்கு விற்பனை ஆன நிலையில், தற்போது ரூ.36 குறைந்து ரூ.4,530-க்கு விற்பனையாகிறது.
கடந்த மாதத்தில் ஆபரணத் தங்கம் சவரன் 36 ஆயிரத்திற்கும் கீழ் விற்பனையான நிலையில், இந்த மாதத்தில் ரூ.36 ஆயிரத்தை தாண்டியுள்ளது.
மேலும், வெள்ளி விலை கிராமுக்கு 80 காசுகள் குறைந்து, ஒரு கிராம் வெள்ளி ரூ.71.50-க்கும், ஒரு கிலோ வெள்ளி ரூ.71,500-க்கும் விற்பனையாகிறது.
இதையும் படிங்க: சாகுபடி பரப்பை உயர்த்த வேண்டும்: முதலமைச்சர் மு.க. ஸ்டாலின்
