இது தொடர்பாக அவர் வெளியிட்டுள்ள அறிக்கையில் கூறப்பட்டுள்ளதாவது, "கன்னியாகுமரி மாவட்டம் நாகர்கோவிலில் உள்ள ஆசாரிப்பள்ளம் மருத்துவக் கல்லூரியின் கரோனா வார்டில் சேர்க்கப்பட்ட மூன்று பேர் மரணம் அடைந்த செய்தி அறிந்து மாவட்ட ஆட்சியர், மருத்துவக் கல்லூரி முதல்வருடனும் பேசினேன். அப்போது, மரணமடைந்த மூவரும் வேறு நோயால் பாதிக்கப்பட்டு நீண்ட காலமாக உடல் நலக்குறைவுடன் இருந்ததாகவும், அதனால் இம்மரணம் நிகழ்ந்ததாக என்னிடம் தெரிவித்தனர்.
அவர்கள் கூறிய மருத்துவக் காரணங்கள் உண்மையாக இருக்க வேண்டும் என்றாலும், ஆசாரிப்பள்ளம் மருத்துவக் கல்லூரி மருத்துவமனையில் கரோனா தொற்று கண்டறிவதற்கான லேப் வசதி இல்லை. இது குறித்து சுகாதாரத்துறை செயலர் பீலா ராஜேஷ், சுகாதாரத்துறை அமைச்சர் விஜயபாஸ்கர் ஆகியோரை தொடர்பு கொண்டு, கோரிக்கை வைத்தேன். அதற்கான வசதிகளை உடனடியாக ஏற்படுத்த முயற்சிகள் மேற்கொள்வதாக அமைச்சர் உறுதியளித்தார்.
மேலும், தற்போது அனைத்துக்கட்சி கூட்டத்தை வீடியோ கான்பரன்ஸ் மூலம் நடத்த வேண்டும் என்று சில கட்சிகள் கோரிக்கை விடுத்துள்ளன. அப்படி நடக்கும் பட்சத்தில் வீண் விவாதங்கள் மட்டுமே நடக்கும், மாறாக அரசியல் கட்சிகளுக்கு குறிப்பிட்ட நேரம் ஒதுக்கி தொலைபேசி மூலமாக கருத்துக்களை கேட்டு அதன்படி ஆக்கப்பூர்வமான பணிகளை செய்யலாம் என்பது எனது கருத்து". இவ்வாறு அந்த அறிக்கையில் குறிப்பிடப்பட்டுள்ளது.
இதையும் படிங்க: 'கரோனா குறித்து விவாதிக்க அனைத்துக் கட்சிக் கூட்டம்' - மு.க.ஸ்டாலின் வலியுறுத்தல்!
