சென்னை ராஜீவ் காந்தி அரசு பொது மருத்துவமனையில் பொழிச்சலூரைச் சேர்ந்த 74 வயது மூதாட்டி, மார்ச் 26ஆம் தேதி மூச்சுத்திணறல் காரணமாக அனுமதிக்கப்பட்டார். இவருக்கு கரோனா பரிசோதனை மேற்கொள்ளப்பட்டதில், தொற்று உறுதி செய்யப்பட்டது. இதனைத் தொடர்ந்து அவருக்கு தீவிர சிகிச்சை அளிக்கப்பட்டது.
அதன் பலனாக பூரண குணமடைந்த அந்த மூதாட்டி, நேற்று வீட்டிற்கு அனுப்பப்பட்டார். தனக்கு சிகிச்சை அளித்த மருத்துவர்களுக்கு நன்றி தெரிவித்து மகிழ்ச்சியுடன் வீட்டிற்குச் சென்றார். அவரை மருத்துவர்கள் உற்சாகத்துடன் அனுப்பி வைத்தனர்.
கரோனாவை வென்ற மூதாட்டி
மேலும், இந்த மூதாட்டிக்கு உயர் ரத்த அழுத்தம், கட்டுப்பாடில்லாத சர்க்கரை நோய் இருந்ததும் குறிப்பிடத்தக்கது.
இதையும் படிங்க: ‘ஏப்ரல் 15 முதல் ரயில்களை இயக்கும் திட்டமில்லை!’ - இந்திய ரயில்வே விளக்கம்
