ஆசிரியர்களுக்கு ஜூலை 13ஆம் தேதி பணி நிரவல் கலந்தாய்வு - counselling

சென்னை: பள்ளிக் கல்வித் துறையில் உள்ள 3,316 பட்டதாரி ஆசிரியர்களுக்கு ஜூலை 13இல் பணி நிரவல் கலந்தாய்வு நடத்தப்படும் என அறிவிக்கப்பட்டுள்ளது.

உபரி ஆசிரியர்களுக்கு ஜூலை 13ஆம் தேதி கலந்தாய்வு

Published : Jun 23, 2019, 3:02 PM IST

Updated : Jun 23, 2019, 5:21 PM IST

தமிழ்நாட்டில் பணியாற்றி வரும் ஆசிரியர்களுக்கு ஆண்டுதோறும் பணியிட மாறுதல் கலந்தாய்வு நடத்தப்பட்டு வருகிறது. அதன்படி இந்த ஆண்டிற்கான பணியிட மாறுதல் கலந்தாய்விற்கு ஜூன் 21ஆம் தேதி முதல் 28ஆம் தேதி வரையில் விண்ணப்பிக்கலாம் என அரசு உத்தரவிட்டுள்ளது. ஜூலை 8ஆம் தேதி கலந்தாய்வு தொடங்குகிறது. ஜூலை 13ஆம் தேதி அரசு, நகராட்சிப் பள்ளி பட்டதாரி ஆசிரியர்கள் பணி நிரவல் கலந்தாய்வு நடத்தப்படுகிறது.

அதன் அடிப்படையில், 208 முதுகலை ஆசிரியர்கள், பட்டதாரி, 13,623 இடைநிலை ஆசிரியர் பணியிடங்கள் காலியாக இருப்பதாக கண்டறியப்பட்டுள்ளன.

இந்த பணி நியமன கலந்தாய்விற்கான ஆசிரியர்களை கண்டறிவது குறித்தும், அவர்களை பணி நிரவல் செய்வதற்கான வழிமுறைகள் குறித்தும் பள்ளிக் கல்வித் துறை முதன்மைச் செயலாளர் பிரதீப் யாதவ் அரசாணை வெளியிட்டுள்ளார்.

அதில், ’தமிழ் வழிக் கல்வியைப் பொறுத்தவரையில், 1 முதல் 5ஆம் வகுப்பு வரை 30 மாணவர்களுக்கு ஒரு ஆசிரியர் என்ற விகிதத்திலும், 6ஆம் வகுப்பு முதல் 8ஆம் வகுப்பு வரை 35 மாணவர்களுக்கு ஒரு ஆசிரியர் என்ற விகிதத்திலும், 9ஆம் வகுப்பு முதல் 12ஆம் வகுப்பு வரை 40 மாணவர்களுக்கு ஒரு ஆசிரியர் என்ற விகிதாச்சார முறையில் ஆசிரியர் பணியிடங்கள் நிர்ணயம் செய்யப்பட்டுள்ளன.

அதேபோல், ஆங்கில வழிக் கல்வியைப் பொறுத்தவரையில், 15 மாணவர்களுக்கு ஒரு ஆசிரியர் என்ற விகிதத்தில் பணி நிரவல் செய்யப்படுகிறது. இந்த விகிதாச்சார அடிப்படையில் தமிழ்நாட்டில் உள்ள அரசுப் பள்ளிகள், ஊராட்சி ஒன்றியப் பள்ளிகள், நகராட்சிப் பள்ளிகள், மாநகராட்சிப் பள்ளிகளில் ஆசிரியர், மாணவர் விகிதாச்சாரம் அடிப்படையில் ஆசிரியர்களின் பட்டியலை பள்ளிக் கல்வித் துறை தயாரித்துள்ளது.

தமிழ்நாடு முழுவதும் ஜாக்டோ ஜியோ போராட்டத்தில் ஈடுபட்ட அரசு ஊழியர்கள் 17பி நடவடிக்கையினை திரும்ப பெற்றால் மட்டுமே ஆசிரியர்கள் கலந்தாய்வில் பங்கேற்க முடியும் என்பதும் குறிப்பிடத்தக்கது.

Intro:பள்ளிக்கல்வித்துறையில் 3,316 உபரி ஆசிரியர்கள்
ஜூலை 13 ல் பணிநிரவல் கலந்தாய்வு Body:

சென்னை, பள்ளிக்கல்வித்துறையில் உபரியாக உள்ள 3,316 பட்டதாரி ஆசிரியர்களுக்கு ஜூலை 13 ல் கலந்தாய்வு நடத்தப்படும் என அறிவிக்கப்பட்டுள்ளது.

தமிழகத்தில் பணியாற்றி வரும் ஆசிரியர்களின் நலனை கருத்தில் கொண்டு ஆண்டுத்தோறும் பணியிட மாறுதல் கலந்தாய்வு நடத்தப்பட்டு வருகிறது. இந்த ஆண்டிற்கான பணியிட மாறுதல் கலந்தாய்விற்கு ஜூன் 21 ந் தேதி முதல் 28 ந் தேதி வரையில் விண்ணப்பிக்கலாம் என அரசு உத்தரவிட்டுள்ளது.

மேலும் ஜூலை 8ந் தேதி முதல் கலந்தாய்வு நடத்தப்படுகிறது. கலந்தாய்வின் போது, ஜூலை 13 ந் தேதி அரசு, நகராட்சிப் பள்ளி பட்டதாரி ஆசிரியர்கள் பணி நிரவல் கலந்தாய்வு நடத்தப்படுகிறது. இந்த பணி நிரவல் கலந்தாய்விற்கான உபரி ஆசிரியர்களை கண்டறிவது குறித்தும், அவர்களை பணி நிரவல் செய்வதற்கான வழிமுறைகள் குறித்தும் பள்ளிக்கல்வித்துறை முதன்மைச் செயலாளர் பிரதீப்யாதவ் வெளியிட்டுள்ள அரசாணையில், குழந்தைகளுக்கான இலவச கட்டாயக்கல்வி உரிமைச் சட்டத்தின்படி ஆசிரியர்கள் மாணவர்கள் பணியிட நிர்ணயம் செய்யப்படுகிறது.
அதன் அடிப்படையில் 1.8.2018 கணக்கின்படி 208 முதுகலை ஆசிரியர்கள் உபரியாகவும், பட்டதாரி ,இடைநிலை ஆசிரியர்கள் பணியிடங்களில் பல்வேறுப் பாடப்பிரிவுகளில் தோராயமாக 13,623 பணியிடங்கள் உபரியாக உள்ளதாக தெரிகிறது.
இந்தப் பணியிடங்களில் தற்பொழுது நிரப்புவதற்கான காலிப்பணியிடங்கள் மற்றும் கூடுதலாக பள்ளிகளுக்கு தேவையான ஆசிரியர் பணியிடங்கள், பட்டதாரி ஆசிரியர்களுக்கு முதுகலை ஆசிரியராக பதவி உயர்வு அளிப்பதால் ஏற்படகூடிய காலிப்பணியிடங்களையும் சேர்த்து தோராயமாக 3,316 பணியிடங்கள் பணி நிரவல் மூலம் மாவட்டத்திற்குள் செய்யப்பட உள்ளது.

மேலும் தமிழ்வழிக் கல்வியைப் பொறுத்தவரையில், 1 முதல் 5ம் வகுப்பு வரை 30 மாணவர்களுக்கு ஒரு ஆசிரியர் என்ற விகிதத்திலும் இருக்க வேண்டும் என்று முடிவு செய்யப்பட்டுள்ளது. 6ம் வகுப்பு முதல் 8ம் வகுப்பு வரை 35 மாணவர்களுக்கு ஒரு ஆசிரியர் என்ற விகிதத்திலும், 9ம் வகுப்பு முதல் 12 ம் வகுப்பு வரை 40 மாணவர்களுக்கு ஒரு ஆசிரியர் என்ற விகிதாச்சார முறையில் ஆசிரியர் பணியிடங்கள் நிர்ணயம் செய்யப்பட்டுள்ளது. ஆங்கில வழிக்கல்வியைப் பொறுத்தவரையில், 15 மாணவர்களுக்கு ஒரு ஆசிரியர் என்ற விகிதத்தில் பணி நிரவல் மேற்கொள்ளப்பட உள்ளதாக கூறப்பட்டுள்ளது.

இந்த விகிதாச்சார அடிப்படையில் தமிழகத்தில் உள்ள அரசுப்பள்ளிகள், ஊராட்சி ஒன்றியப் பள்ளிகள், நகராட்சிப் பள்ளிகள் மற்றும் மாநகராட்சிப்பள்ளிகளில் ஆசிரியர், மாணவர் விகிதாச்சாரம் அடிப்படையில் உபரியாக உள்ள ஆசிரியர்களின் பட்டியலை பள்ளிக்கல்வித்துறை தயாரித்துள்ளது.
அதே போல் தமிழகம் முழுவதும் ஜாக்டோ ஜியோ போராட்டத்தில் ஈடுபட்ட அரசு ஊழியர்கள், ஆசிரியர்கள் 5,400 பேர் மீது 17பி பிரிவின் கீழ் நோட்டீஸ் வழங்கப்பட்டுள்ளது. 17பி நடவடிக்கையினை திரும்ப பெற்றால் மட்டுமே அரசு ஊழியர்கள் ,ஆசிரியர்கள் கலந்தாய்வில் பங்கேற்க முடியும் என்பதும் குறிப்பிடத்தக்கது.
Conclusion:

Last Updated : Jun 23, 2019, 5:21 PM IST

For All Latest Updates