உலக யோகா தினத்தையொட்டி டெல்லியில் உள்ள தேசிய கல்வியியல் ஆராய்ச்சி, பயிற்சி நிறுவனத்தில் ஜூன் 18,19,20 ஆகிய தேதிகளில் தேசிய அளவிலான யோகாப் போட்டி நடைபெற்றது. இதில், 25 மாநிலங்களில் இருந்து ஏராளமான மாணவர்கள் கலந்துகொண்டனர்.
தமிழ்நாடு சார்பாக 18 மாணவ மாணவிகள் கலந்துகொண்டனர். போட்டியில் 17 வயதிற்கு கீழ் உள்ளவர்கள் பிரிவில், மாணவர்கள் 4 தங்கப்பதக்கமும், மாணவியர்கள் 4 தங்கப்பதக்கமும் வென்றுள்ளனர். வெற்றிபெற்ற மாணவர்கள் சென்னையில் பள்ளிக்கல்வித்துறை அமைச்சர் கே.ஏ.செங்கோட்டையனை சந்தித்து வாழ்த்து பெற்றனர்.
