தமிழ்நாட்டில் இன்று (ஜூலை 09) மேலும் 4 ஆயிரத்து 231 பேருக்கு கரோனா தொற்று உறுதிசெய்யப்பட்டுள்ளது. இதனால் கரோனாவால் பாதிக்கப்பட்டவர்களின் எண்ணிக்கை 1 லட்சத்து 26 ஆயிரத்து 581ஆக அதிகரித்துள்ளது. இன்று கரோனாவுக்கு 65 பேர் உயிரிழந்ததால், இறப்பு எண்ணிக்கை ஆயிரத்து 765ஆக அதிகரித்துள்ளது.
அதேபோல் இன்று ஒரேநாளில் 3 ஆயிரத்து 994 பேர் குணமடைந்து வீடு திரும்பினர். இதன்மூலம் தமிழ்நாட்டில் குணமடைந்தோரின் எண்ணிக்கை 78 ஆயிரத்து 161ஆக உயர்ந்துள்ளது. தமிழ்நாட்டில் மீண்டும் 4 ஆயிரத்திற்கும் அதிகமான கரோனா பாதிப்பு பதிவாகியுள்ளது.
மதுரையில் இன்று மட்டும் 261 பேர் கரோனாவால் பாதிக்கப்பட்டுள்ளனர். சென்னையைத் தவிர்த்து பிற மாவட்டங்களில் இன்று 2 ஆயிரத்து 970 பேருக்கு கரோனா தொற்று உறுதிசெய்யப்பட்டுள்ளது. சென்னையில் ஆயிரத்து 216 பேருக்கு புதிதாக கரோனா பாதிப்பு உறுதியாகியுள்ளது. இதன்மூலம் சென்னையில் கரோனாவால் பாதிக்கப்பட்டவர்களின் எண்ணிக்கை 73 ஆயிரத்து 728ஆக உயர்ந்துள்ளது.
