சென்னையில் தமிழ்நாடு குடிநீர் வடிகால் வாரிய ஊழியர்கள் பல்வேறு கோரிக்கைகளை வலியுறுத்தி எழிலகத்தில் இன்று(பிப்-2) காத்திருப்பு போராட்டத்தில் ஈடுபட்டனர். இப்போராட்டத்தில் ஈடுபட்ட ஊழியர்கள் நீதிமன்ற உத்தரவின்படி பராமரிப்பு ஊழியர்களுக்கு பணிநிரந்தர உத்தரவு வழங்க வேண்டும், ஒப்பந்த ஊழியர்களுக்கு முறையான ஊதியம் வழங்க வேண்டும், பல வருடங்களாகவே நிலுவையில் உள்ள ஓய்வு ஊதிய பலன்களை விடுவிக்க வேண்டும் போன்ற கோரிக்கைகளை வலியுறுத்தினர்.
மேலும், தமிழ்நாடு அரசு உத்தரவாதம் வழங்கும் வரை காத்திருப்பு போராட்டத்தில் ஈடுபட போவதாக ஊழியர்கள் தெரிவித்தனர். இந்தப் போராட்டத்தில் மாநில அரசை கண்டித்தும், தங்களின் கோரிக்கை நிறைவேற்ற வலியுறுத்தியும் கோஷங்களை எழுப்பினர்.
இதையும் படிங்க:
ஏடிஎம் இயந்திரத்தை உடைத்த வடமாநில இளைஞர்கள், பொதுமக்களை கண்டதும் தலைதெறிக்க ஓட்டம்!
