எச்.வினோத் இயக்கத்தில், அஜித் நடித்துள்ள படம் "வலிமை". போனி கபூர் தயாரிக்க, யுவன் ஷங்கர் ராஜா இசையமைத்துள்ளார். இத்திரைப்படம் கரோனா காரணமாக இரண்டு ஆண்டுகளாக வெளியாகாமல், பொங்கலுக்கு வெளியிட திட்டமிடப்பட்டிருந்தது. தற்போது ஒமைக்ரான் காரணமாக தமிழ்நாட்டில் மீண்டும் இரவு நேர ஊரடங்கு அமல்படுத்தப்பட்டுள்ளது.
மேலும் ஞாயிற்றுக்கிழமை முழு ஊரடங்கும், திரையரங்குகளில் 50 விழுக்காடு இருக்கைகள் மட்டுமே பயன்படுத்த வேண்டும் என்றும் கட்டுப்பாடுகள் விதிக்கப்பட்டுள்ளன. இதனால் தயாரிப்பாளர் போனி கபூர் வலிமை படத்தின் ரிலீஸ் தேதி ஒத்திவைக்கப்படுவதாக அறிவித்துள்ளார்.
இதனையடுத்து ஜன14ஆம் தேதி வெளியாவதாக அறிவிக்கப்பட்டிருந்த விஷாலின் "வீரமே வாகை சூடும்" படத்தின் நிலை குறித்து எந்த தகவலும் வெளிவரவில்லை.
இந்நிலையில் விதார்த் நடித்துள்ள "கார்பன்" திரைப்படம் வரும் 13ஆம் தேதி ரிலீம் ஆகும் என அறிவிக்கப்பட்டுள்ளது. மேலும் சசிகுமாரின் கொம்பு வெச்ச சிங்கம்டா, சதீஷ் நடித்துள்ள நாய் சேகர், அஸ்வினின் என்ன சொல்ல போகிறாய் உள்ளிட்ட படங்களும் பொங்கலுக்கு வெளியாகலாம் என எதிர்பார்க்கப்படுகிறது.
இதையும் படிங்க: தலைமுறையை மாற்றிய தேடல் நாயகன் ரஹ்மான்
