மேகதாது அணைக்கு எதிராக தனித் தீர்மானம் நிறைவேற்றம்!

மேகதாது அணை தொடர்பாக தமிழ்நாடு சட்டப்பேரவையில் தனித் தீர்மானம் நிறைவேற்றப்பட்டுள்ளது.

சென்னை: மேகதாது அணை தொடர்பாக சட்டப்பேரவையில் இன்று தீர்மானம் நிறைவேற்றப்பட்டது. இதனை நீர்வளத்துறை அனைச்சர் துரைமுருகன் தாக்கல் செய்தார்.

இதனைத் தொடர்ந்து துரைமுருகம் பேசுகையில், “காவிரி நடுவர் மன்றம் அளித்த இறுதித் தீர்ப்பையும், உச்ச நீதிமன்றம் அளித்த தீர்ப்பையும் மதிக்காமலும், சம்பந்தப்பட்ட மாநிலங்களின் இசைவைப் பெறாமலும், ஒன்றிய அரசின் எந்தவித அனுமதியைப் பெறாமலும், தன்னிச்சையாக காவிரி நதியின் குறுக்கே மேகதாதுவில் அணை கட்ட நிதி ஒதுக்குவதை எவ்வகையிலும் ஏற்றுக் கொள்ள முடியாது என்பதால் கர்நாடக அரசின் இச்செயலுக்கு தனது கடும் கண்டனத்தை இப்பேரவை தெரிவித்துக்கொள்கிறது.

கர்நாடகாவின் மேகதாது அணைத் திட்டத்திற்கு தொழில்நுட்பம், சுற்றுச்சூழல் உட்பட எவ்வித அனுமதியும் அளிக்கக் கூடாது என ஒன்றிய அரசை இம்மாமன்றம் வலியுறுத்துகிறது. காவிரி நதிநீர்ப் பிரச்சினை ஒரு நீண்டகாலப் பிரச்சினையாகும். இதற்குத் தீர்வாக உச்ச நீதிமன்றம் வழங்கிய தீர்ப்பு செயலாக்கப்பட்டு வருகிறது.

இப்பிரச்சினை இரு மாநிலங்களின் உணர்வுபூர்வமான பிரச்சினையாகும். ஆதலால் கர்நாடக அரசு மேகதாதுவிலோ அல்லது காவிரிப்படுகையில் வேறு எந்த இடத்திலோ அணை அல்லது எவ்வித புதிய நீர்த்தேக்க திட்டத்தை, மற்றப்படுகை மாநிலங்களின் இசைவு இன்றியும், ஒன்றிய அரசின் ஒப்புதல் இல்லாமலும் மேற்கொள்ளக் கூடாது என கர்நாடக அரசினை அறிவுறுத்துமாறு ஒன்றிய அரசை இம்மாமன்றம் கேட்டுக்கொள்கிறது.

உச்ச நீதிமன்றத்தின் ஆணையின்படி, அதன் அளிக்கப்பட்ட தீர்ப்பினைச் செயல்படுத்த, காவிரி நீர் மேலாண்மை ஆணையம் அமைக்கப்பட்டுள்ளது. எனவே, உச்ச நீதிமன்றத் தீர்ப்பில் குறிப்பிடப்படாத, அணையை மேகதாதுவில் கட்ட கர்நாடக அரசின் விரிவான திட்ட அறிக்கையை பரிசீலிக்கவோ, அதற்கு அனுமதி அளிக்கவோ கூடாது என்று ஆணையத்தை இம்மாமன்றம் கேட்டுக்கொள்கிறது.

கர்நாடக அரசின் இந்த முயற்சியை முறியடித்து, தமிழ்நாடு விவசாயிகள் நலனைப் பாதுகாத்திட தமிழ்நாடு அரசு எடுக்கும் அனைத்து நடவடிக்கைகளுக்கும் இப்பேரவை ஒருமனதாக தெரிவித்துக்கொள்கிறது. முன்மொழிவதற்கு முன்பு, அமைச்சர் துரைமுருகன், தண்ணீர் பெருவது பெரும் சவாலாக உள்ளது.

தொடர்ந்து முட்டுகட்டை போட்டார்கள். ஒவ்வொரு முறையும் தடைகள் வந்தது. ஆணையம் போட வேண்டும் என்று கேட்டோம். ஆனால், போட மாட்டோம் என்று சொன்னார்கள். கருணாநிதி இந்தப் பிரச்னையில் போராடினார். நம்மையும் மீறி போனால் நமது கொள்ளு பேரனையும் தாண்டி இந்த பிரச்னை போகும். உச்சநீதிமன்றம் தீர்ப்பையும் மீறி அனை கட்டுவோம் என்கிறார்கள். கர்நாடகாவில் அனைத்து கட்சியினரும் ஒரே அணியில் இருக்கிறார்கள். நான் பணிவுடன் கேட்டுக்கொள்கிறேன்.

அதிமுக தீர்மானம் கொண்டுவந்த போது நாங்கள் ஆதரித்தோம். 1989இல் இருந்து இந்த பிரச்னையுடன் பயணிக்கிறேன். இரவு முழுவதும் மனம் கணத்து போனது. நானே தவறு செய்துள்ளேன். 112 டிஎம்சி சட்டப்படி கொடுக்க வேண்டும்.அதிமுக ஆட்சியில் கொண்டு வந்த தீர்மானத்திற்கு திராவிட முன்னேற்ற கழகம் ஆதரவு தெரிவித்திருக்கிறது திமுக ஆட்சியில் கொண்டுவரப்பட்ட திட்டங்களுக்கு அதிமுக ஆதரவு தெரிவித்து இருக்கிறதுநமக்குள் ஆயிரம் இருக்கலாம் நானே சில நேரங்களில் தவறு செய்திருக்கலாம்நாம் தண்ணீருக்கு கையேந்தக்கூடிய நிலையில் உள்ளோம்.

தமிழ்நாடு தண்ணீர் பெருவதற்கே போராட்டத்தை நடத்தி வருகிறது. உச்சநீதிமன்றத்தின் தீர்ப்பையே ஒரு மாநிலம் மதிக்க மறுக்கிறது. ஆகையால், நாம் போராடும் நிலையில் உள்ளோம். தோற்றுப்போனால் வருங்கால சமூகம் நம்மை சபிக்கும். கர்நாடக்த்தில் எந்தக் கட்சி ஆட்சியில் இருந்தாலும் இதே நிலை தான் தொடர்கிறது.

தற்போது ஒன்றிய அரசு தமிழ்நாட்டை மாற்றாந்தாய் மணப்பான்மையுடன் தான் நடந்து கொள்கிறது. அண்டை மாநிலங்களோடு நல் உறவை இந்த அரசு பேணும் அதே போல் உரிமையை விட்டுக் கொடுக்க மாட்டோம். கனத்த இதயத்துடன் இந்தத் தீர்மானத்தை கொண்டு வருகிறேன்.

உச்சநீதிமன்றத்தில் தீர்ப்பு கொடுத்த பிறகும் தொடர்ச்சியாக அணை கட்டுவோம் என்று கர்நாடக அரசின் பிடிவாதம் செய்து வருகிறது. அண்ணா, கருணாநிதி, எம்.ஜி.ஆர், ஜெயலலிதா, எடப்பாடி பழனிச்சாமி தொடங்கி இன்று முதலமைச்சர் ஸ்டாலின் வரை மேகதாது விவகாரத்தில் போராடி வருகிறோம். அனைவரும் ஒன்று சேர்ந்து ஒருமித்து செயல்படவேண்டும்.

இந்தப் பிரச்சினை மகன், கொள்ளு பேரன் வரை போகும் என்று தான் எண்ணுகிறேன். ஆயிரம் ஆறுகள் ஓடினாலும் தண்ணீர் பெறுவதே தமிழ்நாடுக்கு பிரச்சினை உள்ளது. உச்ச நீதிமன்றம் சொல்லியும் ஒரு மாநில அரசு செயல்படுவதில்லை ஒரு தனி மனிதன் உச்சநீதிமன்றத்தின் உத்தரவை மீறினால் சும்மா விடுமா. கூட்டாட்சித் தத்துவம் எங்கே உள்ளது” என்றார்.

இதனைத்தொடர்ந்து அனைத்து கட்சிகளின் ஆதரவுடன் மேகதாது அணை கட்ட நிதி ஒதுக்கியதற்கு எதிர்ப்பு தெரிவித்து தீர்மானம் நிறைவேற்ற வேண்டும் என்று கேட்டு கொண்டார். தொடர்ந்து மேகதாது திட்டத்திற்கு மத்திய அரசு அனுமதி அளிக்க கூடாது. ஒருமனதாக தீர்மானம் என வலியுறுத்தப் பட உள்ளது.