முன்னாள் முதலமைச்சர் ஜெயலலிதா சொத்துக்குவிப்பு வழக்கில் சசிகலா சிறை தண்டனை அனுபவித்துவருகிறார். 2017ஆம் ஆண்டு நவம்பர் மாதம் சசிகலா குடும்பத்தினருக்குச் சொந்தமான மிடாஸ் ஆலை, ஜெயா டிவி அலுவலகம் என 187 இடங்களில் வருமானவரித் துறையினரின் சோதனை நடைபெற்றது.
அந்தச் சோதனையில் பல்வேறு ரகசிய ஆவணங்கள் கைப்பற்றப்பட்டன. அதையடுத்து நடைபெற்ற சசிகலா குடும்பத்தில் பல்வேறு தரப்பினரிடம் வருமானவரித் துறையின் விசாரணை நடைபெற்றது. அதில் ஏராளமான தகவல்கள் கண்டுபிடிக்கப்பட்டதாகக் கூறப்பட்டது.
இந்நிலையில், பணமதிப்பிழப்பிற்கு பிறகு சசிகலா குடும்பத்தினரால் வாங்கப்பட்ட ஒன்பது நிறுவனங்களுக்குச் சொந்தமான ரூ.1600 கோடி மதிப்புள்ள சொத்துகளை வருமானவரித் துறை இன்று முடக்கியுள்ளதாகத் தகவல் வெளியாகியுள்ளது.
இதையும் படிங்க: “எனது மனைவியை தொந்தரவு செய்ய வேண்டாம்”, ரமேஷின் உருக்கமான கடிதம் சிக்கியது.!
