சென்னை: சென்னையைச் சேர்ந்த மென்பொறியாளர் ஷர்மிளா ராஜசேகர் (34) குடும்பத்துடன் கோவாவிற்கு சுற்றுலா சென்றுள்ளார். பின்னர் கோவாவில் இருந்து சென்னை வருவதற்காக கோவா விமான நிலையத்திற்கு உடமைகளுடன் சென்று உள்ளார்.
இதையடுத்து, கோவா விமான நிலையத்தில் பாதுகாப்பு பரிசோதனை செய்யப்பட்டுள்ளது. அப்போது அங்கு பணியில் இருந்த மத்திய தொழில் பாதுகாப்பு படை வீரர் ஒருவர், ஷர்மிளாவைப் பார்த்து இன்னொரு பெட்டியை எடுக்குமாறு இந்தியில் கூறியுள்ளார். இதற்கு சர்மிளா இந்தி தெரியாததால் எனக்கு புரியவில்லை, இந்தி தெரியாது என அவரிடம் கூறியுள்ளார்.
அப்போது அந்த மத்திய தொழில் பாதுகாப்பு படை வீரர் ஷர்மிளாவை நோக்கி, நீங்கள் எங்கிருந்து வருகிறீர்கள் என கேட்டுள்ளார் அதற்கு அவர் நாங்கள் தமிழ்நாட்டிலிருந்து வருவதாக கூறியுள்ளார். அப்போது மத்திய தொழில் பாதுகாப்பு படை வீரர், “தமிழ்நாடு இந்தியாவில் தானே இருக்கிறது. அப்போது இந்தி தெரியணும், இந்தி தேசிய மொழி, நீங்கள் கண்டிப்பாக கத்துக்கணும்” என கூறியதாக கூறப்படுகிறது.
இந்த செயலால் அதிர்ச்சி அடைந்த ஷர்மிளா, இந்தி அலுவல் மொழிதான், தேசிய மொழி இல்லை என மத்திய தொழில் பாதுகாப்பு படை வீரருக்கு தெரிவித்துள்ளார். அதற்கு நீங்கள் குகூள் பண்ணி பாருங்கள் என மிரட்டும் தொணியில் மத்திய தொழில் பாதுகாப்பு படை வீரர் பதிலளித்ததாக கூறப்படுகிறது.
மேலும், அவர் இந்தி தேசிய மொழிதான், அனைவரும் கத்துக்க வேண்டும் என மீண்டும் கூறியதாக தெரிவிக்கப்படும் நிலையில், ஷர்மிளா அங்கிருந்து அமைதியாக சென்று உள்ளார். மேலும், இந்த விவகாரத்தால் கடும் மன உளைச்சல் அடைந்த சர்மிளா, இது குறித்து கோவா விமான நிலையத்தில் மத்திய தொழில் பாதுகாப்பு படை அதிகாரிகள் அறைக்குச் சென்று புகார் அளித்துள்ளார்.
அப்போது அங்கிருந்த உயர் அதிகாரி ஒருவர், அவரிடம் மன்னிப்பு கேட்டுள்ளார். அப்படி நடந்து கொண்டது யார், அவர்களிடம் விசாரணை மேற்கொள்ளப்படும் எனவும் தெரிவித்துள்ளார். இந்த நிலையில், மொழியின் அடிப்படையில் தங்களை அவமானப்படுத்துவது அதிருப்தி அளிப்பதாகவும், கலாச்சார உணர்வு குறித்து விமான நிலையத்தில் பாதுகாப்பு பணியில் ஈடுபடும் அலுவலர்களுக்கு அறிவுறுத்த வேண்டும் எனவும், இது போன்ற சம்பவங்கள் நடக்காமல் பார்த்துக் கொள்ள வேண்டும் என சர்மிளா தெரிவித்துள்ளார்.
இச்சம்பவம் பெரும் அதிர்ச்சியையும், சர்ச்சையையும் ஏற்படுத்தி இருந்த நிலையில், கோவா விமான நிலையத்தில் தமிழ் பெண்ணை மிரட்டிய மத்திய தொழில் பாதுகாப்பு படை வீரர்களுக்கு தமிழ்நாடு முதலமைச்சர் உள்ளிட்ட அரசியல் கட்சித் தலைவர்கள் கண்டனங்களை தெரிவித்து வருகின்றனர்.
-
கோவா விமான நிலையத்தில் தமிழ்ப் பெண் ஒருவரிடம் இந்தியில் பேசி, அவர் இந்தி தெரியாது என்று சொன்னதும் @CISFHqrs வீரர் ஒருவரால் மிரட்டப்பட்டுள்ளார். "தமிழ்நாடு இந்தியாவில்தானே இருக்கிறது" என்றும், "இந்தியாவில் உள்ள அனைவரும் இந்தியைக் கற்றாக வேண்டும்" என்றும் பாதுகாப்புப் படை வீரர்…
— M.K.Stalin (@mkstalin) December 14, 2023 " class="align-text-top noRightClick twitterSection" data="
">கோவா விமான நிலையத்தில் தமிழ்ப் பெண் ஒருவரிடம் இந்தியில் பேசி, அவர் இந்தி தெரியாது என்று சொன்னதும் @CISFHqrs வீரர் ஒருவரால் மிரட்டப்பட்டுள்ளார். "தமிழ்நாடு இந்தியாவில்தானே இருக்கிறது" என்றும், "இந்தியாவில் உள்ள அனைவரும் இந்தியைக் கற்றாக வேண்டும்" என்றும் பாதுகாப்புப் படை வீரர்…
— M.K.Stalin (@mkstalin) December 14, 2023கோவா விமான நிலையத்தில் தமிழ்ப் பெண் ஒருவரிடம் இந்தியில் பேசி, அவர் இந்தி தெரியாது என்று சொன்னதும் @CISFHqrs வீரர் ஒருவரால் மிரட்டப்பட்டுள்ளார். "தமிழ்நாடு இந்தியாவில்தானே இருக்கிறது" என்றும், "இந்தியாவில் உள்ள அனைவரும் இந்தியைக் கற்றாக வேண்டும்" என்றும் பாதுகாப்புப் படை வீரர்…
— M.K.Stalin (@mkstalin) December 14, 2023
இது குறித்து தமிழ்நாடு முதலமைச்சர் ஸ்டாலின் தனது X தளத்தில், “கோவா விமான நிலையத்தில் தமிழ்ப் பெண் ஒருவரிடம் இந்தியில் பேசி, அவர் இந்தி தெரியாது என்று சொன்னதும் மத்திய தொழில் பாதுகாப்பு படை வீரர் ஒருவரால் மிரட்டப்பட்டுள்ளார். "தமிழ்நாடு இந்தியாவில்தானே இருக்கிறது" என்றும், "இந்தியாவில் உள்ள அனைவரும் இந்தியைக் கற்றாக வேண்டும்" என்றும் பாதுகாப்புப் படை வீரர் பாடம் எடுத்துள்ளார். இது கடும் கண்டனத்துக்குரியது.
இந்தி அலுவல் மொழியே தவிர, தேசிய மொழியல்ல என்று அவருக்கு யார் சொல்வது? பல்வேறு மொழி பேசும் மக்களின் கூட்டாட்சி நாடு இந்தியா. கூட்டாட்சித் தன்மையை வலியுறுத்தும் வகையில்தான் மத்தியத் தொழில் பாதுகாப்புப் படை வீரர்கள் செயல்பட வேண்டும். விமான நிலையங்களில் அனைத்து மொழிகளுக்கும் உரிய மதிப்பும், மரியாதையும் வழங்கப்பட வேண்டும்” என தெரிவித்துள்ளார்.
மேலும் இச்சம்பவம் தொடர்பாக தமிழ்நாடு இளைஞர் நலன் மற்றும் விளையாட்டு மேம்பாட்டு துறை அமைச்சர் உதயநிதி ஸ்டாலினும் தனது கன்னடங்களை பதிவு செய்து உள்ளார். மேலும், இச்சம்பவத்திற்கு கண்டனங்களை தெரிவித்த பாமக நிறுவனர் ராமதாஸ், தமிழ்நாடு விமான நிலையங்களில் தமிழ் தெரிந்த மத்திய தொழில் பாதுகாப்புப் படையினரை மட்டும் பாதுகாப்புப் பணியில் ஈடுபடுத்த வேண்டும் என தெரிவித்துள்ளார்.
இது தொடர்பாக அவர் வெளியிட்டுள்ள அறிக்கையில், “விமான நிலையங்களில் பாதுகாப்புப் பணியில் உள்ள மத்திய தொழில் பாதுகாப்புப் படையினரில் சிலர், தங்களின் பணி என்ன என்பதை மறந்து, இந்தி மொழியைக் கற்றுக்கொள்ளுங்கள் என்று பயணிகளை அறிவுறுத்தும் பணியில் ஈடுபட்டுள்ளனர்.
மேலும், சென்னை உள்ளிட்ட விமான நிலையங்களிலும் அரசியல் கட்சியினர், சட்டமன்ற, நாடாளுமன்ற உறுப்பினர்களிடமும் அவர்கள் பலமுறை அத்துமீறியிருக்கின்றனர். மத்திய தொழில் பாதுகாப்புப் படையினரின் பணி வரம்பு என்ன என்பதையும், இந்தி நாட்டின் அலுவல் மொழி என்பதையும் அவர்களுக்கு அவர்களின் உயரதிகாரிகள் புரிய வைக்க வேண்டும்.
கோவா விமான நிலையத்தில் தமிழகத்தைச் சேர்ந்த பெண் பொறியாளரிடம் அத்துமீறிய பாதுகாப்புப் படை வீரர் மீது நடவடிக்கை எடுக்க வேண்டும். சென்னை உள்ளிட்ட தமிழ்நாட்டு விமான நிலையங்களில் தமிழ் தெரிந்த மத்திய தொழில் பாதுகாப்புப் படையினரைப் பாதுகாப்புப் பணியில் ஈடுபடுத்த வேண்டும்” என ராமதாஸ் தெரிவித்துள்ளார்.
இதையும் படிங்க: "ஆண் கொசுக்களை உற்பத்தி செய்வதில் ஆராய்ச்சி..மனுதாரரின் கோரிக்கையை மத்திய, மாநில அரசுகள் பரிசீலிக்க மதுரைக்கிளை உத்தரவு!
