தமிழ் ஊடகங்கள் பலவற்றில் முக்கியப் பணியாற்றிய மூத்தப் பத்திரிகையாளர் கோசல்ராம் உடல்நலக் குறைவால் காலமானார். கோசல்ராமின் மறைவுக்கு திமுக தலைவர் மு.க. ஸ்டாலின் இரங்கல் செய்தி வெளியிட்டுள்ளார்.
அவர் வெளியிட்டுள்ள இரங்கல் செய்திக்குறிப்பில், “தமிழின் மூத்தப் பத்திரிகையாளர்களில் முக்கியமானவரான கோசல்ராம் உடல்நலக் குறைவால் காலமானதை அறிந்து மிகுந்த வேதனை அடைந்தேன்.
தினபூமி, தினகரன், தமிழ் முரசு, விகடன் போன்ற நாளிதழ்களிலும், குமுதம், குமுதம் ரிப்போர்ட்டர், ஜூனியர் விகடன் போன்ற இதழ்களிலும் முக்கியப் பணியாற்றிய அவர் 'நம்ம அடையாளம்' என்ற பத்திரிகையையும் தொடங்கி சிறப்பாக நடத்தியவர். புலனாய்வு இதழியலில் சிறந்து விளங்கினார்.
இறுதியாக நியூஸ்7 செய்தி தொலைக்காட்சியின் நிர்வாக ஆசிரியராகப் பணியாற்றிவந்தார். இதய நோயால் அவதிப்பட்டுவந்த அவர், 49 வயதில் அகால மரணம் அடைந்த செய்தி அதிர்ச்சி அளிக்கிறது.
அவரைப் பிரிந்து வாடும் உறவினர்களுக்கும், நண்பர்களுக்கும் எனது ஆழ்ந்த இரங்கலைத் தெரிவித்துக் கொள்கிறேன்” எனத் தெரிவிக்கப்பட்டுள்ளது.
இதையும் படிங்க : தமிழ்நாடு, புதுச்சேரி தேர்தல் 2021: தொடங்கியது வாக்குப்பதிவு
