காஷ்மீரின் சிறப்பு அந்தஸ்து...! குடியரசுத் தலைவருக்கு ஸ்டாலின் கோரிக்கை

சென்னை: ஜம்மு காஷ்மீர் மாநிலத்தில் மக்களால் தேர்ந்தெடுக்கப்படும் அரசு அமையும் வரை காஷ்மீரின் சிறப்பு அந்தஸ்தை பறிக்கக் கூடாது என்று குடியரசுத் தலைவருக்கு திமுக தலைவர் மு.க. ஸ்டாலின் கோரிக்கைவிடுத்துள்ளார்.

மு.க. ஸ்டாலின், திமுக தலைவர்

Published : Aug 5, 2019, 3:05 PM IST

ஜம்மு காஷ்மீர் மாநிலத்திற்கும் மக்களுக்கும் சிறப்புச் சலுகைகள் வழங்கும் சட்டப்பிரிவு 370 நாடாளுமன்றத்தில் இன்று ரத்து செய்யப்பட்டுள்ளது.

இந்த நிலையில், இது தொடர்பாக திமுக தலைவர் ஸ்டாலின் அறிக்கை வெளியிட்டுள்ளார். அதில், இந்திய அரசியலமைப்புச் சட்ட ரீதியாக வழங்கப்பட்டிருந்த சிறப்பு அந்தஸ்தை குடியரசுத் தலைவரின் அறிவிப்பு மூலம் ரத்து செய்திருப்பதும், லடாக், ஜம்மு-காஷ்மீர் பகுதிகளை பிரித்து யூனியன் பிரதேசமாக மாற்றியமைத்திருப்பதையும் கண்டு, இந்தியத் திருநாடு எங்கே போய்க் கொண்டிருக்கின்றது என்ற மனக் கவலையும், அதிர்ச்சியும் ஏற்படுவதாகக் கூறியுள்ளார்.

நாட்டின் பாதுகாப்பிலும், இந்திய நாட்டின் இறையாண்மையிலும் திமுக என்றைக்கும் அசைக்க முடியாத அக்கறையும் நம்பிக்கையும் வைத்திருப்பதாகவும், இதில் அண்ணா, கருணாநிதி ஆகியோர் இதில் எந்த சந்தர்ப்பத்திலும் எவ்வித சமரசமும் செய்துகொண்டதில்லை என்று குறிப்பிட்டுள்ளார்.

காஷ்மீர் மாநிலத்திற்கு அளிக்கப்பட்டுள்ள சிறப்பு அந்தஸ்து அரசியல் சட்டப் பிரிவு 370 ரத்து செய்யப்படுவதை தொடர்ந்து திமுக எதிர்த்துவருவதையும் ஸ்டாலின் சுட்டிக்காட்டினார்.

நாட்டின் வளர்ச்சி, வேலை வாய்ப்புகள் உள்ளிட்டவற்றில் கவனம் செலுத்த வேண்டிய நேரத்தில் மத்திய பாஜக அரசு இரண்டாவது முறையாக பொறுப்பேற்ற ஒரு சில மாதங்களுக்குள் காஷ்மீர் மாநிலத்தின் சிறப்பு அந்தஸ்தை ரத்து செய்திருப்பதற்கு ஸ்டாலின் கடும் கண்டனம் தெரிவித்தார்.

அம்மாநிலத்தில் மக்களால் தேர்ந்தெடுக்கப்பட்ட அரசு இல்லாத நிலையில் இந்த முடிவை எடுத்திருப்பதும், மத்திய அரசின் இந்த முடிவு நாட்டின் பாதுகாப்பு என்ற முக்கிய காரணத்தை முன் வைத்து எடுக்கப்பட்டுள்ளதா என்ற கேள்வி நாட்டுப் பற்று கொண்ட அனைவருடைய மனதிலும் இயற்கையாக எழுகிறது என்றும் குறிப்பிட்டுள்ளார்.

அந்தமாநிலத்தை பிரித்து மத்திய அரசின் கட்டுப்பாட்டில் ஆளுநர்களின் நிர்வாகத்தில் நிரந்தரமாக இருக்கும் விதத்தில் கொண்டுவந்திருப்பது, கூட்டாட்சித் தத்துவத்திற்கோ, அரசியல் சட்டத்தின் அடிப்படை அம்சங்களுக்கோ ஆக்கபூர்வமான ஆரோக்கியமான விளைவுகளைத் தரும் நடவடிக்கைகள் அல்ல என்றும் கூறியுள்ளார்.

மேலும், இந்திய ஜனநாயகத்தைக் கைவிடும் எவ்வித நடவடிக்கைகளையும் இப்படி அவசர கதியில் பாஜக அரசு எடுப்பதை மாற்றிக் கொள்ள வேண்டும் என்று எச்சரித்த ஸ்டாலின், ஜம்மு-காஷ்மீரில் மக்களால் தேர்ந்தெடுக்கப்படும் அரசு அமையும் வரை குடியரசுத் தலைவர் இந்த அறிவிப்பை நிறுத்திவைக்க வேண்டும் என்று கோரிக்கைவிடுத்துள்ளார்.

Intro:Body:

காஷ்மீரின் சிறப்பு அந்தஸ்து ரத்து;

“லடாக்” மற்றும் “ஜம்மு காஷ்மீர்” என்று பிரித்து யூனியன் பிரதேசமாக மாற்றம்.

ஜம்மு காஷ்மீரில் மக்களால் தேர்ந்தெடுக்கப்படும் அரசு அமையும் வரை

குடியரசுத் தலைவர் அவர்களின் இந்த அறிவிப்பை நிறுத்தி வைக்க வேண்டும்

கழகத் தலைவர் மு.க.ஸ்டாலின்அறிக்கை

காஷ்மீருக்கு, அறிஞர்களின்ஆழ்ந்த ஆலோசனைக்குப் பின்னர் இந்தியஅரசமைப்புச் சட்ட ரீதியாக வழங்கப்பட்டிருந்தசிறப்பு அந்தஸ்தை மாண்புமிகு குடியரசுத்தலைவர் அவர்களின் அறிவிப்பு மூலம் ரத்துசெய்திருப்பதும், “லடாக்” மற்றும் “ஜம்முகாஷ்மீர்” என்ற பிரித்து யூனியன் பிரதேசமாகமாற்றியமைத்திருப்பதும் கண்டு, இந்தியத்திருநாடு எங்கே போய்க் கொண்டிருக்கின்றதுஎன்ற மனக் கவலையும், அதிர்ச்சியும்உண்டாகிறது. நாட்டின் பாதுகாப்பிலும், இந்தியநாட்டின் இறையான்மையிலும் திராவிடமுன்னேற்றக் கழகம் என்றைக்கும் அசைக்கமுடியாத அக்கறையும் நம்பிக்கையும்வைத்திருக்கிறது. பேரறிஞர் அண்ணாஅவர்களும், முத்தமிழறிஞர் டாக்டர் கலைஞர்அவர்களும் இதில் எந்த சந்தர்ப்பத்திலும்எவ்வித சமரசமும் செய்து கொண்டதில்லை.ஆகவேதான் “சீன யுத்தம்” “பாகிஸ்தான்யுத்தம்” “கார்கில் போர்” உள்ளிட்ட நாட்டின்பாதுகாப்பிற்கு சவால்கள் வந்த போதெல்லாம்திராவிட முன்னேற்றக் கழகம், மத்தியில்ஆட்சியில் இருப்பது காங்கிரஸ் கட்சியா,பாரதீய ஜனதா கட்சியா என்றெல்லாம் பாராமல்தேசப்பற்றின் பக்கம் தீர்மானமாக நின்றுஅனைத்து நடவடிக்கைகளிலும் முழுஒத்துழைப்பு வழங்கியிருக்கிறது.

அப்படிப்பட்ட திராவிடமுன்னேற்றக் கழகம் “அரசியல் சட்டப் பிரிவு 370ரத்து செய்யப்படுவதை”, தொடர்ந்து எதிர்த்துவந்திருக்கிறது. காஷ்மீர் மாநிலத்திற்குஅளிக்கப்பட்டுள்ள சிறப்பு அந்தஸ்து ரத்துசெய்யப்படக் கூடாது என்பதிலும் உறுதியாகஇருந்து வந்துள்ளது. இன்றைக்கு நாடுபொருளாதார ரீதியாக கடும் நெருக்கடியைச்சந்தித்துக் கொண்டிருக்கிறது. எங்குபார்த்தாலும் தொழிற்சாலைகள்மூடப்படுகின்றன. இளைஞர்களுக்கானவேலை வாய்ப்புகள் குன்றி வருகின்றன.பொருளாதார வளர்ச்சி பின்னோக்கி படுவேகமாக நகர்ந்து கொண்டிருக்கிறது.அவற்றில் கவனம் செலுத்த வேண்டிய ஒருபொறுப்புள்ள மத்திய பா.ஜ.க அரசுஇரண்டாவது முறையாக பொறுப்பேற்ற ஒருசில மாதங்களுக்குள் காஷ்மீர் மாநிலத்தின்சிறப்பு அந்தஸ்தை ரத்து செய்திருப்பது-அதுவும் அம்மாநிலத்தில் மக்களால்தேர்ந்தெடுக்கப்பட்ட அரசு இல்லாத நிலையில்இந்த முடிவை எடுத்திருப்பது கடும்கண்டனத்திற்குரியது. அடிப்படைப்பிரச்சினைகளிலிருந்து மக்களின் கவனத்தைத்திசைதிருப்பும் முயற்சியாகவே இந்த முடிவுபார்க்கப் படுகிறது.மக்களால்தேர்ந்தெடுக்கப்பட்ட முதலமைச்சரையும்,மத்திய அரசால் நியமிக்கப்படும் ஆளுநரையும்ஒரே தட்டில் வைத்துப் பார்க்கவும் முடியாது.மக்களின் உணர்வுகளை ஒரு முதலமைச்சர்போல் மாநில ஆளுநர் நுட்பமாக உணர்ந்துகொண்டு விட்டார் என்றும் கூறிட முடியாது.ஆகவே மத்திய பா.ஜ.க. அரசின் இந்த முடிவுநாட்டின் பாதுகாப்பு என்ற முக்கிய காரணத்தைமுன் வைத்து எடுக்கப்பட்டுள்ளதா என்றகேள்வி நாட்டுப் பற்று கொண்டஅனைவருடைய மனதிலும் இயற்கையாகஎழுகிறது. அம்மாநிலத்தில் உள்ள அரசியல் கட்சிகளைக் கூட கலந்து ஆலோசிக்காமல், அந்த கட்சி தலைவர்களை எல்லாம் வீட்டுச் சிறையில் அடைத்து வைத்து, தகவல் தொடர்புகளை துண்டித்து- ஒரு நெருக்கடி நிலைமையை மாநிலத்தில் உருவாக்கி இப்படியொரு நடவடிக்கை எடுத்திருப்பது மத்திய அரசின் முடிவு உள்நோக்கம் மிகுந்தது என்பதை வெளிப்படுத்தியுள்ளது. இன்னும் ஒருசில மாதங்களில் அங்கே மக்களால்தேர்ந்தெடுக்கப்பட வேண்டிய ஒரு அரசைஅமைக்க இருக்கும் நேரத்தில்- அந்தமாநிலத்தையே பிரித்து மத்திய பா.ஜ.க.அரசின் கட்டுப்பாட்டில்- ஏன் ஆளுநர்களின்நிர்வாகத்தில் நிரந்தரமாக இருக்கும் விதத்தில்கொண்டு வந்திருப்பது, கூட்டாட்சித் தத்துவத்திற்கோ, அரசியல் சட்டத்தின்அடிப்படை அம்சங்களுக்கோ ஆக்கபூர்வமானஆரோக்கியமான விளைவுகளைத் தரும்நடவடிக்கைகள் அல்ல என்பதைத் தெரிவித்துக்கொள்கிறேன். இந்திய நாட்டின் பக்கம் நின்றஜம்மு காஷ்மீர் மக்களின் உணர்வுகளை மதிக்கமத்தியில் உள்ள பா.ஜ.க. அரசு தவறி- தன்கட்சியின் கொள்கையை நிறைவேற்றுவதில்மட்டுமே கவனம் செலுத்தியிருப்பது மிகுந்தகவலையளிக்கிறது. மாநிலங்களுக்கு அதிகஅதிகாரம் வேண்டும் என்ற குரல் பா.ஜ.க.ஆட்சியில் நாடு முழுவதும் வலிமையாகஎதிரொலிக்கின்ற இந்த நேரத்தில், இருக்கின்ற மாநிலத்தையும் பிரித்து யூனியன்பிரதேசமாக அறிவிப்பது இந்திய அரசியல்சட்டம் வகுத்துக் கொடுத்த ஜனநாயகப்பாதையிலிருந்து விலகிச் செல்ல பிரதமர்நரேந்திரமோடி தலைமையிலான அரசுதுடிக்கிறது என்பதைக் காட்டுகிறது.

ஆகவே இந்திய ஜனநாயகத்தைக் கைவிடும் எவ்வித நடவடிக்கைகளையும் இப்படிஅவசர கதியில் மத்தியில் உள்ள பா.ஜ.க. அரசுஎடுப்பதை மாற்றிக் கொள்ள வேண்டும்என்றும், ஜம்மு காஷ்மீரில் மக்களால்தேர்ந்தெடுக்கப்படும் அரசு அமையும் வரைகுடியரசுத் தலைவர் அவர்களின் இந்தஅறிவிப்பை நிறுத்தி வைக்க வேண்டும் என்றும்திராவிட முன்னேற்றக் கழத்தின் சார்பில்கேட்டுக் கொள்கிறேன்.

Conclusion:

For All Latest Updates