சென்னை: உத்தரகாண்ட் மாநிலம் கேதார்நாத்தில், அக்டோபர் 18ஆம் தேதி புனித யாத்திரைக்குச் சென்ற ஹெலிகாப்டர் விபத்துக்குள்ளானதில் 7 பேர் உயிரிழந்தனர். இதில் தமிழ்நாட்டைச் சேர்ந்த கலா ரமேஷ், பிரேம்குமார் வாஞ்சிநாதன் மற்றும் சுஜாதா பிரேம்குமார் ஆகிய மூவரும் உயிரிழந்தனர்.
இதனையடுத்து உயிரிழந்தவர்களின் உடல்களை சென்னைக்கு கொண்டு வருவதற்கான முன்னெடுப்பு நடவடிக்கைகளை தமிழ்நாடு அரசு, உத்தரகாண்ட் மாநில அரசுடன் இணைந்து மேற்கொண்டது. இந்த நிலையில் நேற்று (அக் 20) உத்தரகாண்ட் மாநிலத்திலிருந்து இண்டிகோ ஏர்லைன்ஸ் விமானத்தில் உயிரிழந்த மூவரின் உடலும் சென்னை விமான நிலையம் வந்தடைந்தது.
கேதார்நாத்தில் நிகழ்ந்த ஹெலிகாப்டர் விபத்தில் உயிரிழந்த தமிழ்நாட்டைச் சேர்ந்த மூவரின் உடல்கள் விமானம் மூலம் சென்னைக்கு கொண்டு வரப்பட்டன
