சென்னை: போரூர் காரம்பாக்கம் பகுதியில் முடித்திருத்தகம் செய்யும் கடை வைத்து நடத்தி வருபவர் ஆனந்த (29). அதே பகுதியில் உள்ள பார்மஸி ஒன்றில் பணியாற்றி வருபவர் தரணி (23). இவர்கள் இருவரும் கடந்த ஐந்தாண்டு காலமாக காதலித்து வந்துள்ளனர்.
இவர்கள் இருவரும் வெவ்வேறு சமூகத்தை சேர்ந்தவர்கள் என்பதால், பெண்ணின் வீட்டில் இவர்களது காதலுக்கு எதிர்ப்பு தெரிவித்து வந்துள்ளனர். இருப்பினும் பலமுறை ஆனந்த் பெண்வீட்டாரிடம் பேசியும், அவர்கள் ஒப்புக்கொள்ளவில்லை. இதனால் இருவரும் வீட்டைவிட்டு வெளியேரி கோயிலில் சாதி மறுப்பு திருமணம் செய்துகொண்டனர்.
இதையடுத்து திருமணம் செய்த கையோடு எங்கள் இருவருக்கும் பாதுகாப்பு வழங்க வேண்டும் எனக் கூறி வளசரவாக்கம் காவல் நிலையத்தில் வந்து தஞ்சம் அடைந்துள்ளனர். இது குறித்து வளசரவாக்கம் காவல்துறையினர் பெண்ணின் வீட்டாரை அழைத்து பேச்சுவார்த்தை நடத்தி எச்சரித்து அனுப்பி வைத்தனர்.
இதையும் படிங்க: இளைஞர் உயிரிழப்பு குறித்து காவலர்கள் விசாரணை!
