ஆப்பிள் வாட்ச் சீரிஸ் 7 விற்பனை
அக்டோபர் 15ஆம் தேதி ஆப்பிள் நிறுவனத்தின் ஆப்பிள் வாட்ச் சீரிஸ் 7 (apple Watch Series 7) விற்பனைக்கு வருகிறது. இந்த நிலையில் ஆப்பிள் நிறுவனம் தனது புதிய வாட்ச் சீரிஸ் 7-க்கு அதிகாரப்பூர்வமாக கேஷ்பேக் சலுகைகளை அறிவித்திருக்கிறது.
நீர் திறக்க உத்தரவு
மஞ்சளாறு நீர்த்தேக்கத்திலிருந்து பாசனத்துக்காக அக்டோபர் 15ஆம் தேதிமுதல் நீர் திறக்க பொதுப்பணித் துறையின் பொறுப்பை கவனிக்கும் அரசின் கூடுதல் தலைமைச் செயலர் சந்தீப் சக்சேனா உத்தரவு பிறப்பித்துள்ளார்.
புதிய சுற்றுலா விசா
அக்டோபர் 15ஆம் தேதிமுதல் இந்தியாவுக்கு வர விரும்பும் வெளிநாட்டுச் சுற்றுலாப் பயணிகளுக்குப் புதிய சுற்றுலா விசா வழங்குவதை மீண்டும் தொடங்குவதாக உள் துறை அமைச்சகம் தெரிவித்துள்ளது.
கரோனா தடுப்பு மருந்து
இந்தியாவில் 12 வயதுக்கு மேற்பட்டோருக்கு ஜைகோவ்-டி கரோனா தடுப்பு மருந்து செலுத்துவதற்கான பணிகள் இன்றுமுதல் (அக். 15) வரும் 20ஆம் தேதிக்குள் தொடங்கப்படும் என நோய்த் தடுப்பிற்கான தேசிய தொழில்நுட்ப ஆலோசனைக்குழு தெரிவித்துள்ளது.
ராஷ்மி ராக்கெட் படம் வெளியீடு
நடிகை டாப்ஸி நடித்துள்ள ’ராஷ்மி ராக்கெட்’ திரைப்படம் இன்று (அக். 15) ஜீ 5 ஓடிடி தளத்தில் வெளியாகவிருக்கிறது என்று படக்குழு அதிகாரப்பூர்வமாக அறிவித்திருக்கிறது.
